Ka emra të shumtë lojtarësh shqiptarë që janë nëpër Europë dhe që i kanë rrënjët kuqezi. I tillë është edhe Gramoz Kurtaj, talenti shqiptar që është pjesë e Hamilton në Skoci. Ndër të rrallët shqiptarë që është bërë pjesë e këtij kampionati, pas Rudi Vatës.
“Ëndërroj që të jem në Europian me Shqipërinë. Kam punuar shumë dhe dua fort që të kem një shans, në rast se do të ketë ndonjë lojtar të dëmtuar që do të mund të krijojë një hapësirë edhe për mua”, ka deklaruar Kurtaj për “Ekspres.co.uk”. Lojtari është nën menaxhimin dhe kujdesin e ish-futbollistit të Kombëtares, Rudi Vata, shkruan PanoramaSport.
“Ai është një emër i madh në futbollin shqiptar dhe ka mundur që të krijojë kontakte me Federatën dhe me trajnerin e Kombëtares. Jam i bindur që De Biazi e di emrin tim”, është shprehur lojtari. Ai ka arritur që të bëjë një vend në futbollin skocez falë aftësive të tij dhe njohjeve të Vatës, duke fituar betejën me racizmin e kampionatit skocez.
