Arsene Wenger jep alarmin për dopingun në futboll. Trajneri i Arsenalit, në një intervistë për mediat franceze, kujtoi se gjatë karrierës së tij ka luajtur ndaj skuadrave me futbollistë të dopuar, duke iu referuar edhe sfidës së humbur me Dinamon e Zgrebit në Champions, teksa mesfushori i kroatëve Arijan Ademi rezultoi pozitiv në përdorimin e substancave të ndaluara.
“Nëse nuk je në një ditë të mirë, ndërsa kundërshtarët e t’u kanë përdorur substanca të ndaluara, atëherë gjithcka bëhet e vështirë. Jetojmë në një epokë ku glorifikojmë fituesit, për pa i parë mjetet apo metodat që përdorën për këto arritje.”
Është një akuzë e fortë kjo e Wenger, që flet hapur për dopingun, duke këmbëngulur se kanë qenë të shumta rastet kur është dashur të përballojë skuadra me lojtarë me doping.
“Në 30 vite të karrierës sime kurrë nuk kam stërvitur lojtarë me doping. Gjithmonë përpiqem t’u transmetoj futbollistëve vlerat që mendoj se janë të rëndësishme në jetë. Kurrë nuk u kam dhënë dicka futbollistëve të mi për të përmirësuar paraqitjet e tyre.”
Deklatatat e Wenger nuk kanë kaluar pa u vënë re në Angli, ku federata e futbollit i ka kërkuar 66-vjecarit që shqetësimet e tij t’i ndajë me institucionin e futbollin duke dhënë informacionet për rastet kur futbollistët përdorin substanca të ndaluara.
