Pas largimit nga Kosova, këngëtarja Rita Ora së bashku me motrën e saj Elena ishin vënë në përkujdesje.
Këngëtarja ishte 12 vjeçe ndërsa që motra e saj vetëm tre vjeçe gjatë kohës kur kishin mbërri në Londër. Gjatë kohës që ato qëndronin nën përkujdesje, ishin prindërit ata që kishin kaluar në kohë të vështirë derisa gjithçka u rregulluar me statusin e tyre.
“Ne ishim dërguar në shtëpinë e fëmijëve për përkujdesje pasi ne në atë kohë ishim refugjatë. Asnjëherë nuk e kam kuptuar se sa shumë kanë sakrifikuar prindërit tanë. Mendoj se ata janë njerëzit më të fortë që unë kam njohur. Ata krijuan një jetë të re përsëri, nga fillimi”, ka thënë Rita për “The Sun”, transmeton Indeksonline.
Ndër të tjera Rita ka treguar që gjendej në rrezik që të merrej me drogë.
“Gjendesha në një moment që unë duhej të vendosja se çka duhet të bëjë me jetën time. Të bëja diçka tjetër ose të dilja në rrugë dhe të shisja drogë me një pjesë tjetër të shoqërisë. Nuk kisha të bëja asgjë me drogën, por isha e rrethuar nga ato dhe me gjithë sinqeritetin them se është një eksperiencë që nuk ia dëshiroj askujt”, ka treguar këngëtarja shqiptare.
