Deputeti i LDK’së Armend Zemaj dhe sekretari i përgjithshëm i Lëvizjes Vetëvendosje, Dardan Molliqaj, kanë debatuar ashpër në lidhje me situatën e fundit në vend.

“Ty nuk të vlerëson katundi yt, as fshati yt nuk të vlerëson ti as 20 vota nuk i merr në katund tand, as familja jote nuk ta jep votën”, i është drejtuar Zemaj Molliqajt në emisionin “Click” të RTV21.

Ndryshe, deputeti Zemaj në këtë emision, ka thënë se se situata në Kosovë mund të eskalojë.

“Situata mund të eskalojë, nëse këto sjellje kalojnë jashtë Kuvendit, atëherë politikanët duhet të ndihen keq sepse përgjegjësitë dhe barra duhet të bie mbi ata”, ka thënë Zemaj.

Ai ka thënë se Kuvendi është institucin i shenjt dhe veprimet si ato të opozitës nuk i “kanë hije tempullit të demokracisë”.

Ai ka thënë se bllokada e fundit e opozitës, për të është e paqartë.

“Zgjidhja duhet të kërkohet në institucione dhe mendoj se zgjidhja e vetme është Kuvendi i Kosovës”