Lionel Messi fiton një tjetër betejë ndaj Cristiano Ronaldos. Pasi e ka mundur në 4 raste në garën për Topin e Artë kundrejt tre sukseseve të portugezit, argjentinasi e lë pas CR7-tën edhe sa i përket fanellave të shitura përgjatë vitit 2015-të. Sipas një studimi të bërë nga kitbag.com se cili është futbollisti që ka shitur më shumë fanella me emrin e tij mbi shpinë në vendin e parë figuron Lionel Messi. Ky studim i përket vetëm kontinentit të vjetër pikërisht Europës. Popullariteti i argjentinasit të Barcës tashmë i ka kaluar të gjithë kufijtë, por këtë vit shitja e fanellave e emrin e tij është rritur ndjeshëm kjo edhe për faktin se Barcelona arriti suksesin e trefishtë ndërsa Argjentina mbrriti deri në finalen e Kupës së Botës. Nëse fiton Topin e Artë për herë të 5-të dicka që ka gjasa të mëdha të ndodhë Messi me siguri do ta mbajë vendin e parë në këtë klasfikim special edhe gjatë vitit 2016.
Ronaldo fituesi i freskët i Këpucës së Artë në Europë e 4-ta për të në karrierë, por edhe fituesi në fuqi i Topit të Artë ka parrë të rriten me 108% shitjet e fanellave me emrin e tij gjatë këtij viti dhe në 12 muaj Cristiano është ngjitur nga vendi i 4-t në të dytin. Podiumi plotësohet me një surprizë të vërtetë holandezin e Manchester United, Memphis Depay. Fansat e Djajëve të Kuq janë të shumtë në të gjithë Europën, dhe këta të fundit kanë mbetur me të vërtetë shumë të kënaqur nga paraqitjet e talentit të përfaqësues portokalli. Në vendin e 4-t është një tjetër blerje e re e Manchester United pikërisht Bastian Schëeinsteiger i cili me transferimin në Old Trafford ka ngjitur plot 27 shkallë në këtë klasfikim, në krahasim me një vit më parë me një rritje të cmendur të shitjeve prej 795%. 10-shja e parë kompletohet me Eden Hazard, Ëaynee Rooney, Neymar, Sergio Aguero, Alexis Sanchez dhe Philipe Coutinho. La Liga dhe Premier League janë dy kampionatet që dominojnë këtë klasfikim.
