Bakteret dhe viruset nuk mund t’i shmangim plotësisht, sepse ato janë të domosdoshme për forcimin e sistemit imunitar. Trupi zhvillon rezistencë ndaj baktereve dhe viruseve vetëm kur lufton me to.
Hulumtimi i fundit ka treguar se kur një person i cili vuan nga gripi apo ftohja pas teshtitjes e prek dorezën e derës, viruset përhapen brenda 2 deri në 4 orë në shumicën e hapësirës së punës.
Ne ju sjellim tri mite për bakteret dhe viruset në të cilat duhet të mos besoni më.
Miti 1: Tualetet janë më të papastra se ulëset në autobus
Studimi i shkencëtarëve amerikanë ka treguar se virusi MRSA mund të mbijetojë deri në 7 ditë në ulëset në autobus, ndërsa vetëm katër ditë në tualet.
Miti 2: Butonat në furrë janë vendi më i papastër në kuzhinë
Butonat në furrë janë vetëm në vendin e dhjetë kur bëhet fjalë për papastërtinë e pajisjeve të kuzhinës. Më të papastrat janë leckat e kuzhinës, sfungjerët, dërrasat për prerje dhe lugët e drurit.
Miti 3: Leckat e kuzhinës janë më të papastra se sfungjerët
Një studim ka treguar që leckat e kuzhinës në shumicën e amvisërive janë më të papastra se sfungjerët, sepse leckat e kuzhinës i përdorim për fshirjen e enëve, sipërfaqeve të punës dhe duarve. Ato duhet pastruar rregullisht në një temperaturë të lartë.
