Marrëdhieniet mes Cristiano Ronaldos dhe Gareth Bale nuk janë nga më të mirat, dicka të tillë e ka konfirmuar për mediat menaxheri i sulmuesit uellsian Jonathan Barnett. Mes të dyve ekziston rivaliteti për të qenë futbollisti më i mirë i Realit të Madridit dhe jo vetëm. Në një intervistë për mediat angleze agjenti i 26-vjecarit britanik hodhi disa thumba mbi Cristiano Ronaldon. Bale dëshiron të jetë vetëm futbollisti më i mirë në Botë, dhe jo modeli më i mirë në Botë apo shitësi më i mirë i veshjeve intime, deklaroi Jonthan Barnnet. Ky i fundit me këtë fjalë iu referua pikërisht Cristiano Ronaldos.
Portugezi përvec se është një prej dy futbollistëve më të mirë në Botë ka në pronësi edhe një kompani private me veshje intime që mban emrin e tij. Barnett nuk është i vetmi që sulmon Ronaldon. Dicka të tillë e bëri vitin e kaluar një nga rivalët e portugezit në garën për topin e Artë, pikërisht portieri i Bayernit, Manuel Neuer. Gardiani gjerman në atë kohë deklaroi se ai nuk mund ta fitojë Topin e Artë sespe nuk është një njeri që pozon me veshje të brendshme. Në vijim menaxheri i Bale nënvizoi se luzitani dhe uellsiani janë dy lojtarë të ndryshëm nga njëri-tjetri. Sipas tij edhe pse raporti mes këtyre dy yjeve nuk është nga më të mirët, Bale dhe Ronaldo nuk e urrejnë njëri-tjetrin.
