Presidentja e Republikës së Kosovës, Atifete Jahjaga priti sot raportuesin për Kosovën në Asamblenë Parlamentare të Këshillit të Evropës, Agustin Conde
Sipas njoftimit për medie, presidentja Jahjaga e njoftoi Conde’n me zhvillimet e përgjithshme në vendin tonë duke theksuar përparimin e arritur dhe përkushtimin e institucioneve në realizimin e reformave në rrugën drejt integrimit të plotë në Bashkimin Evropian.
Jahjaga e Conde diskutuan për progresin e arritur në Kosovë në fushën e të drejtave dhe lirive të njeriut, të drejtave të komuniteteve, zhvillimin e përgjithshëm demokratik dhe sundimit të ligjit, me theks të veçantë në fuqizimin e pavarësisë së gjyqësorit.
Presidentja Jahjaga theksoi rëndësinë e bashkëveprimit të Kosovës me Këshillin e Evropës dhe avancimin sa më të shpejtë të procesit të anëtarësimit të Kosovës në Këshillin e Evropës.
