Hungaria ka shpallur gjendjen e jashtëzakonshme në dy qarqet jugore si ligje të reja të ashpra për të ndaluar emigrantët që të hyjnë paligjshëm në fuqi.
Zyrtarë të Hungarisë kanë thënë se deri tani kanë arrestuar 60 migrantë, bazuar në ligjin e ri, dhe se planifikon t’i dënojë ata.
Hungaria sot ka mbyllur pikën kufitare me Serbinë, para syve të migrantëve nga Siria , Afganistani dhe vendet tjera.
Kufiri është mbyllur të martën, më 15 shtator, pas një numri rekord prej 9,380 migrantëve, që kanë kaluar një ditë më parë kufirin me Hungarinë.
Policia e Hungarisë më herët ka arrestuar 9 sirianë dhe 7 afganë për kalim ilegal të kufirit nga Serbia.
Ky njoftim u bë derisa sot ka hyrë në fuqi legjislacioni i ri lidhur me fluksin e madh të migrantëve nga Lindja e Mesme, Azia dhe Afrika.
Zëdhënësja e policisë së Hungarisë, Viktoria Csiszer-Kovacs, tha se migrantët e arrestuar ishin të dyshuar për heqje të barrierës nga telat me gjemba, përgjatë kufirit me Serbinë, për të hyrë në Hungari.
