Shefi i Grupit parlamentar të PDK-së, Adem Grabovci tha në emisionin Info Box të TV Dukagjinit se presidenti i ardhshëm i Kosovës do të jetë Hashim Thaçi.
Ai tha se aktualisht nuk preokupohen me këtë çështje, pasi ka shumë probleme tjera me të cilat duhet të merret vendi si ato ekonomike e sociale, por shprehu bindjen se marrëveshja me LDK-në për president do të respektohet në plotëni.
Grabovci më tej tha se marrëveshja për presidentin do të respektohet dhe Hashim Thaçi do të jetë presidenti i ardhshëm i Kosovës, transmeton Telegrafi.
Në rast së mosrespektimit të marrëveshjes nga ana e LDK-së, Grabovci tha se nënkuptohet thyerje e marrëveshjes dhe me thyerjen e marrëveshjen natyrisht se vjen deri në një vendim tjetër.
Grabovci përmendi siç i quajti lëshimet e disa njerëzve në Qeverinë Mustafa. Ai përmendi ndërrimet e njerëzve në Ministrinë e Financave, në Administratën Tatimore të Kosovës etj.
Ai tha se nuk janë kundër ndërrimit të njerëzve nëse nuk performanca të mira në punë, por tha se janë kundër ndërrimit të njerëzve profesional.
