Vendimi i Kryeministrisë për t’ia dhënë tenderin për servisimin e automjeteve djalit të Isa Mustafës , ka nxitur reagime të shumta. Analistët politik kanë dhënë vlerësime nga më të ndryshmet. Madje, ka pasur nga ata që kanë ironizuar keq me dhënien e këtij tenderi.
Imer Mushkolaj duke komentuar dhënien e këtij tenderi, ka thënë se është marre që të meremi me këtë cikrrimë.
“Marre duhet me na ardhë që merremi me cikërrima si 2900 euro që Kryeministria ia ka dhonë djalit t’kryeministrit…”, ka shkruar Mushkolaj.
Edhe drejtori i KDI-së, Ismet Kryeziu ka reaguar për dhënien e këtij tenderi. Ai ka thënë se kjo është praktika më e re e “mirëqeverisjes” në Kosovë.
“Sot në media është bërë publike se djali (Besnik Mustafa) e ka marrë një tender tek baba i vetë (Isa Mustafa), hajde LDK hajde me praktikat e reja të mirëqeverisjes.
Tenderët, nepotizmi, mitmarrja, ndikimi politik në gjyqësor, cenimi i lirisë së shprehjes etj nuk janë të reja për qytetarët e Kosovës, asnjëra qeveri e as kjo tani nuk po arrin ti trajtojë këto fenomene dhe ti shmang nga praktikat qeverisëse.
Çdo gjë tjetër është e tepërt edhe e pa koment se çfarë mëhalle fisnore po mundohemi me e ndër-tu, kjo është me fajin dhe përgjegjësinë tonë si qytetarë të këtij vendi. Jemi totalisht indiferent ndaj jetës tonë”, ka shkruar Kryeziu.
Në anën tjetër, njohësi i zhvillimeve politike në vend dhe rajon, Jon Leka ka thënë se pas këtij skandali, lirisht mund ta quajmë këtë qeveri si “printo- koalicioni”.
“Tash lirisht mund ta quajmë “pronto-koalicioni” pasi edhe LDK u integrua me sukses në akulturën politike mafioze të partnerit të saj”, ka shkruar ai.
Ndërkaq, tepër cinik është treguar opinionisti Ilir Mirena. Ai reagimin e Isa Mustafës e ka quajtur si zëdhënës i servilit të BMW.
“A paska reagu zedhensi i servisit te BMW-së aa….?”, ka shkruar Mirena./ Gazeta Blic
