Lëvizja Vetëvendosje, përmes një telegrami ngushëllimi drejtuar familjes Stavileci, ka thënë se me pikëllim ka marrë lajmin për ndarjen nga jeta të akademik Esat Stavilecit.

“Vdekja e tij nuk është humbje vetëm për familjen dhe të afërmit. Nëse familjes do t’i mungojë afërsia e anëtarit të saj, studentëve do t’ju mungojnë udhëzimet e profesorit e urtësia e tij, kurse qytetarëve mbarë analizat e holla e qëndrimet e mprehta të intelektualit që dijen profesionale e ushtron gjithmonë në përputhje me interesin publik”, thuhet në letrën e LVV-së.

Lëvizja Vetëvendsosje shpreh ngushëllimet dhe ndan dhimbjen me familjen, të afërmit dhe të gjithë ata që janë të pikëlluar nga kjo humbje e madhe.
“Qytetarët e Kosovës do të vazhdojnë të jetojnë e të mësojnë nga shkrimet, librat e ligjëratat e tij”, thuhet në fund të këtij njoftimi.