Katër doktoresha, shefe të Qendrave të Mjekësisë Familjare në Gjilan janë larguar nga pozitat e tyre. Me vendim të drejtorit QKMF-së në këtë komunë, ato u degraduan me arsyetimin se treguan menaxhim të dobët të punës.
Fillimisht atyre iu dha një vërejtje me shkrim e pastaj pasoj largimi. E tani, një vërejtje ka marr edhe kryeshefi i QKMF-së, Valbon Milazimi. Ky i fundit thotë se po pret që edhe këtë ta largojnë nga pozita e kryeshefit, dhe se krejt këto mendojnë se po bëhen për arsye politike.
Valbon Milazimi thotë për KosovaPress se nuk do të pajtohet me një vendim të tillë, por do të ndjekë të gjitha mundësitë ligjore.
Partia e Isa Mustafës dhe ajo e Hashim Thaçit arritën të pajtoheshin në Prishtinë duke formuar koalicionin qeverisës, por nëpër komuna ata po përplasen jo rrallë.
Në fund të muajit korrik, të këtij viti, drejtori i QKMF-së në Gjilan, largoj katër doktoresha-shefe të shërbimeve mjekësore, që sipas tij nuk po menaxhojnë siç duhet me postin që iu është dhënë.
Pas tyre, një vërejte të ngjashme ka marrë edhe kryeshefi i QKMF-së, Valbon Milazimi. Por, at ij i është shqiptuar vetën një vërejte me shkrim.
Megjithatë, ai thotë se është në pritje të hapit tjetër, që është largim nga pozita.
Ai thotë se krejt këto po iu bëhen për shkak se ai dhe katër drejtoreshat i përkasin subjektit politik PDK. Sipas Milazimit, qeverisja e LDK-së në Gjilan ka për synim që t’i “përzë” të gjithë ata që i përkasin subjekteve tjera politike, e jo LDK-së.
Arsyetimi që iu është dhënë doktoreshave, për Milazimin nuk është i mjaftueshëm. Ai thotë se ato kanë qenë vetëm shkelje të lehta të detyrës, gjë që nuk mjaftojnë për largim nga pozita.
Milazimi: Mendojnë edhe mu të më largojnë
“Pas tyre, kam ardh në rend edhe unë, me një presion, sigurisht mendojnë edhe mua të më largojnë, sepse janë në atë rrugë. Më është bërë një vërejtje me shkrim me të njëjtin arsyetim, që janë shkelje të leh ta të detyrave të punës. Unë nuk jam pajtuar me atë që vërejtje që më është bërë”, thotë ai.
Valbon Milazimi ka qenë drejtor i QKMF-së, deri kur LDK nisi të qeverisë me Gjilanin. Pastaj ai u ulë në pozitën e kryeshefit.
Ai thotë se do t’i drejtohet gjykatës në rast se largohet edhe nga pozita e kryeshefit.
Milazimi: Do t’i drejtohem gjykatës
“Nëse më largojnë unë do t’i padis në gjykatë. Besoj që edhe doktoreshat e shkarkuara do t’i drejtohen gjykatës….Deri vjet kam qenë drejtor i Qendrës Kryesore të Mjekësisë Familjare, deri në maj të vitit të kaluar. Por, pas ardhjes në pushtet të LDK-së, natyrisht presionet politike, dhe më kanë transferuar në pozitë të kryeshefit”, thotë ai.
KosovaPress ka siguruar vendimet që u janë lëshuar doktoreshave-shefe të qendrave.
Për shefen e QMF-së “Arbëria”, thuhet se nuk i ka përfillur udhëzimet e menaxhmentit të QKMF-së, me çka ka bërë lëndim të lehtë të detyrave të punës. E për këtë, i është shqiptuar masa disiplinore “ulje në pozitë”. Në arsyetim thuhet se drejtori i QKMF-së pasi ka shqyrtuar të gjitha provat, konstaton se në atë qendër pati favorizim të padrejtë të punëtorëve të caktuar, rregullim të orarit sipas dëshirës dhe menaxhim të dobët.
Drejtoresha tjetër e cila u ulë në pozitë ishte shefe e mjekësisë familjarë në QKMF, tjetra ishte shefe në QMF “Dheu i Bardhë”, ndërsa doktoresha tjetër ishte shefe e shërbimit “Stomatologjik” pranë QKMF-së.
KosovaPress ka provuar të bisedojë me zyrtarë të Komunës së Gjilanit më shumë rreth kësaj çështje, por ata nuk qenë të gatshëm të përgjigjen.
