Blerim Shala është deputet i pavarur prej kur dha dorëheqje nga grupi parlamentar i AAK-së e gjithashtu edhe nga ajo parti.
Njihet si politikani i dialogëve ngaqë gjithmonë ka qenë pjesë e ekipeve qysh nga Rambujea, por që tani kjo punë po i shkakton pak problem.

Ai nga Kuvendi i Kosovës u zgjodh si koordinator i bisedimeve me Qeverinë e Kosovës qysh nga muaji prill dhe këtë detyrë po e kryen në ndërkohë kur edhe është deputet.

Në Kushtetutën e Kosovës, Neni 72 [Papajtueshmëria], thuhet qartë se nuk lejohet të mbahet një post në ekzekutiv gjatë kohës kur mban edhe mandatin e deputetit.

Qeveria e Kosovës me vendi Shalës i ofron një zyrë, një asistent personal dhe një shofer, të gjithë këta do të paguhen nga Buxheti i Kosovës.

Ndërsa analisti dhe njohësi i çështjeve juridike, Dren Doli ka thënë se kjo është shkelje e Kushtetutës së Kosovës dhe ai duhet të mbaj një post të cili mund ta zgjedh ose të jetë deputet ose koordinator i bisedimeve.

I kontaktuar nga RTK, Blerim Shala i është drejtuar vendimit të nxjerrë nga Agjencia Kundërkorrupsion dhe më poshtë mund të shihni vendimin e lëshuar nga AKK, agjenci e cila e ka mbyllur këtë rast dhe nuk e ka cilësuar si konflikt interesi.