3-4 vitet e fundit Kosova është përballur me një sërë sfidash të brendshme dhe të jashtme, si njohjet e mëtejshme të shtetit të Kosovës, që deri tani janë mbi 100, proceset e integrimit në Bashkimin Evropian, bisedimet me Serbinë për normalizimin e marrëdhënieve, anëtarësimi në organizatat ndërkombëtare, përpjekjet kundër atyre që u janë bashkuar radhëve të grupit ISIS, dhe së fundi, çështja më e nxehtë e këtyre kohëve, krijimi i Gjykatës së Posaçme.
Pikërisht në këto vite me shumë ngjarje, Kosova ka patur përfaqësues të sajin në Washington, ambasadorin Akan Ismaili.
Ismaili, në një intervistë dhënë Zërit të Amerikës, i cili është në ditët e fundit të detyrës, ka thënë se Washingtoni zyrtar, por edhe organizatat tjera ndërkombëtare, e kuptojnë kompleksitetin dhe peshën e situatës në lidhje me themelimin e Speciales, por thekson se nga ne ata po kërkojnë të gjejmë forcën për krijimin e saj.
Ai u shpreh optimist se themelimi i Gjykatës Speciale do të ndodhë javën që vjen.
Ndiqeni të plotë intervistën me të në videon e mëposhtme:
