Naim Malaj nuk është i njohur në Shqipëri, por në Zvicër është një diplomat jo i zakonshëm.
Ambasadori i Parë i Kosovës në Bernë, gëzon reputacionin e një personaliteti që bëri të mundur pranimin dhe njohjen e shqiptarëve të Kosovës në Zvicër në nivelin politik dhe social. Pas gjashtë vitesh nën kostumin e Ambasadorit të Kosovës, Naim Malaj e lë këtë detyrë që siç thotë vetë ai, ajo u përmbush. Historia e tij nga një ish i dënuar për katër vite në burgjet serbe në emigrant në Zvicër, ishte ajo që tërhoqi vëmendjen e Televizionit Shtetëror të Zvicrës, RTS, për t’i kushtuar një reportazh Naim Malaj-t, diplomatit që karrierën e tij ia kushtoi çështjes shqiptare.
Naim Malaj qëndron në Zvicër ku edhe ka marrë nënshtetësinë.
Sot ambientet e Ambasadës së Kosovës në Bernë janë një vend pritje për shumë emigrantë. 200 mijë shqiptarë të Kosovës jetojnë atje.
Tv Klan
