La Liga publikoi datat për Superkupën e Spanjës, që do të luhet mes Barcelonës dhe Athletic Bilbaos. Dy skuadrat do të përballen me njëra-tjetrën për trofeun e parë sezonal në datat 14 dhe 17 Gusht. Të dyja takimet do të luhen në orën 22:00, si ai i “Camp Nou” gjithashtu dhe ai që do të zhvillohet në “San Mame”. Në edicionin e sivjetshëm, Barcelona vjen si kampionia në fuqi e La Ligas por gjithashtu dhe si fituese e Kupës së Mbretit, ndërsa Bilbao, si ekipi finalist i këtij kompeticioni.
Ndeshja e parë është vendosur të luhet në Bilbao, me ekipin e Enrique që do të vizitojë “San Mames” më 14 Gusht, ndërsa 3 ditë më mbrapa do të luhet dhe ndeshja e kthimit në “Camp Nou” ku do të jepet dhe trofeu i këtij kompeticioni. Në finalen e Kupës së Mbretit, Barcelona arriti të fitojë 3-1 ndaj Athletic Bilbaos, ndërsa në kampionat triumfoi 5-2 në “San Mames” dhe 2-0 në “Camp Nou”. Barcelona e ka fituar plot 11 herë Superkupën e Spanjës, më shumë se kushdo tjetër, ndërsa Bilbao vetëm 1 herë në 1984.
