Ambasadori gjerman Wolfgang Ischinger, i cili ishte pjesë e negociatave për zgjidhjen e statusit të Kosovës, ka takue sot Ministrin e Jashtëm Hashim Thaçi.
Thaçi nuk ka përmendë çashtjen e Gjykatës Speciale edhe pse Ischinger, gjatë ditës së djeshme ka lobue publikisht pro themelimit të saj.
Ma poshtë asht shkrimi i Zv/kryeministrit Thaçi në Facebook.
Sot e takova mikun e vjetër timin dhe të Kosovës, Ambasadorin Wolfgang Ischinger, me të cilin biseduam për të arriturat e Kosovës që nga shpallja e pavarësisë si dhe sfidat me të cilat përballet shteti jonë dhe i tërë rajoni. U pajtuam se i tërë rajoni ka lëvizur drejt një fryme të re të dialogut dhe bashkëpunimit çfarë nuk është parë ndonjëherë. Tashmë jemi në rrugë të duhur, drejt integrimit në NATO dhe BE.
