I njoftuar shumë mirë me raste si ai i Shyhretes e Kalimerës është edhe institucioni i Avokatit të Popullit.
Duke pranuar raste të ndryshme të cilët kishin probleme me idnentitet ligjor e personal, ky institucion në vitin 2023 punoi në një raport ku u hulumtuan më shumë këto raste dhe erdhën me rekomandime.
Në një intervistë për KIKS-sin, Avokati i Popullit Naim Qelaj tha se nga ato hulumtime rezultuan se në Kosovë janë 84 individë pa identitet ligjor.
Qelaj për KIKS-in tha se problem në vete qëndron procesi për zgjidhjen e këtyre problemeve nga institucionet e vendit.
Kjo sepse sipas raportit të vitit 2023, Qelaj tha se koha e pritjes për t’u pajisur me dokumente identifikimi shkon nga 2 deri në 7 vjet pritje.
E drejta e identitetit dhe pajisjes me dokumentacion, sipas Avokatit të Popullit është e drejtë themelore dhe pritja aq e gjatë për to dëmton qytetarët nëpër të gjitha fushat ku veprojnë.
Nëpërmjet atij raporti të përpiluar para një viti, nga institucioni i Avokatit të Popullit iu ishte bërë thirrje institucioneve që të shtojnë efikasitetin në punë, në mënyrë që pritja e qytetarëve të mos mbetet me vite të tëra.
E në ndihmë këtyre rasteve që nga viti 2006 po mundohen të u vijë organizata joqeveritare “Programi për të drejtat Civile në Kosovë”, që funksionon në kuadër të Këshillit Norvegjez të Refugjatëve.
Në një intervistë për KIKS-in, drejtori i organizatës Memli Ymeri tregoi për procesin e gjetjes së palëve që kanë probleme me regjistrim.
Ymeri shton se ata si organizatë i asistojnë rastet nëpër secilin institucion, madje ato komplekse edhe deri në gjykatë.
Për KIKS-in, Ymeri tha se numri i personave të cilët kanë probleme me shtetësi e dokumente ka shënuar ulje viteve të fundit por sërish ka raste të shumta me të cilët njoftohen ata si organizatë.
