2.6 miliardë euro qarkullojnë jashtë pajisjeve fiskale (Video)

E publikuar: 26/03/2015 10:08
Rreshtat+- AShkronjat+- Printo

Afër 35 për qind e qarkullimit të përgjithshëm në Kosovë, nuk tatimohet përmes pajisjeve fiskale.

Këtë fakt e ka pranuar Ministri i Financave, Avdullah Hoti i cili ka njoftuar se shuma totale e qarkullimit vjetor është 7 miliardë euro.

Sipas tij, prej tyre 2.6 miliardë euro llogaritet t’i kenë shmangur tatimeve përmes pajisjeve fiskale.

Humbjet vjetore të shtetit nga kjo shmangie llogaritet të jenë prej qindra miliona eurove.

Njohësi i ekonomisë, Lekë Musa për Tribuna Channel, ka thënë se kjo përveç se po i krijon humbje shtetit, në të njëjtën kohë po krijon pabarazi në mes bizneseve.

Musa thotë se projekti i arkave fiskale ka dështuar pasi që qeveria kishte krijuar monopol në shitjen e tyre.

Sipas vlerësimeve të Ministrisë së Financave rreth 20 mijë biznese ende nuk janë pajisur me arka fiskale.

Ministria e Financave përmes Udhëzimi Administrativ ka vendosur që licencimi për tu pajisur me arka fiskale të kalojë nga licencimi i kompanive që i kanë shitur tek certifikimi i pajisjet fiskale.

Përmes këtij vendimi është liberalizuar tregu për shitjen e arkave fiskale të cilat pritet të kushtojnë më lirë.

/Gazeta Tribuna/