Jeta aktive seksuale është njëri ndër faktorët kryesorë të ruajtjes së trupit të shëndetshëm, shpirtit dhe lidhjes. Lexoni në vijim dhjetë arsye të shkëlqyeshme shëndetësore përse është i mirë seksi i shpeshtë.
10 arsye që të thoni “po”!
- Ushtrime fizike trupore; me siguri çdokush e njeh atë lodhjen e këndshme pas aktit seksual, pas të cilit fle gjumë të shkëlqyeshëm. Doktor Michael Cirigliano, nga Universiteti i Mjekësisë në Pensilvani, thotë që puthja tri herë në ditë djeg së paku 7.500 kalori në vit, gjë që është njësoj sikur të vraponi 120 kilometra.
- Ngre nivelin e oksigjenit në qeliza, që shkaktohet me frymëmarrje të thellë gjatë aktit seksual, ndërkaq kjo ndihmon që të punojnë më mirë të gjitha organet vitale.
- Ngritja e nivelit të testosteronit, siç thotë dr. Karen Donahey, nga Qendra Mjekësore në Çikago, është njëri ndër rezultatet e veprimit aktiv fizik gjatë marrëdhënies seksuale. Shtimi i sasisë së hormonit seksual mashkullor ndihmon në ruajtjen e kockave dhe muskujve.
- Ulja e nivelit të kolesterinës gjithashtu është njëri ndër efektet e jetës aktive seksuale.
- Siç thotë dr. Beverly Whipple, kryetare e Shoqatë së Terapeutëve dhe Këshilltarëve amerikanë, seksi ndihmon në lirimin nga dhembjet, andaj është mjet i shkëlqyeshëm kundër dhembjes së kokës dhe dhembjeve të shkaktuara nga artritisi. Në këtë ndihmojnë hormonet, të cilat lirohen gjatë kënaqësisë seksuale dhe orgazmës.
- Gjatë aktivitetit seksual, pa përdorimin e mjeteve plotësuese artificiale, mu para ejakulimit lirohet deri në tri herë më shumë hormoni DHEA (dehudroepiandrosteron), i cili ndihmon që të ndihemi më mirë. Pikërisht po ky hormon ndihmon të keni zë të mirë.
- Hulumtimet kanë treguar që seksi është i shkëlqyeshëm edhe për ruajtjen e prostatës, sepse ejakulimi i rregullt ndihmon në pastrimin e materieve të mbetura të cilat mblidhen në atë organ.
- Na ndihmon shkëlqyeshëm në lirimin nga stresi, sepse ndikon pozitivisht në gjendjen e mirë shpirtërore, andaj na ndihmon që të distancohemi nga vështirësitë e jashtme.
- Jeta e rregullt seksuale gjithashtu është element i rëndësishëm i jetës cilësore të partnerëve, sepse butësia e prekjes ngre nivelin e hormonit Oksitocinë, i cili midis partnerëve vepron si hormoni lidhjes dhe zgjon dëshirën për puthje sa më të shpeshtë.
- Natyrisht, bashkë me seksin ngrihet edhe sasia e estrogjenit, hormonit femëror, i cili vepron si mbrojtje e zemrës dhe ndihmon në ngritjen e vitalitetit të partneres sonë. Pra, që sot, nesër apo mbase tani të mendoni për jetën seksuale me partnerin tuaj, si shkas le të mos ju jetë vetëm ngushëllimi, por pranoni puthjet me ndjeshmërinë tuaj – sepse ashtu do t’i kontribuoni shëndetit tuaj dhe jetës me partnerin. Me atë rast nuk bën të harrojmë faktin që për seks të shëndetshëm duhet të jeni të gatshëm edhe për të papriturat, si p.sh. shtatzënia e padëshiruar apo sëmundjet seksualisht të transmetueshme.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
