Sergio Aguero ka nënshkruar një kontratë të re me klubin e madh anglez, Manchester City.
Qytetarët kanë vazhduar ‘blindimin’ e yjeve kryesore të ekipit edhe për shumë vite.
Lojtari i fundit që ka nënshkruar vazhdimin e kontratës, pra një kontratë të re është argjentinasi Aguero.
📝 @aguerosergiokun… new contract… enough said! #mancity pic.twitter.com/J8v60LUEPQ
— Manchester City (@ManCity) September 21, 2018
Aguero ka nënshkruar kontratë me Cityn, e cila e mban atë në Etihad deri në vitin 2021.
Ndryshe, Aguero njihet si legjendë e klubit anglez, pasi ka fituar tre trofe të Ligës Premier me Cityn dhe ka shënuar më së shumti gola në histori.
30-vjeçari gjatë tetë sezoneve me fanellën e kampionit anglez ka zhvilluar plot 299 ndeshje duke shënuar 204 gola.
Përveç Agueros, City ka nënshkruar kontratë të re para disa javësh edhe me Kevin de Bruyne e Gabriel Jesus.
Të njëjtë gjë është gati ta bëjë edhe Raheem Sterling, me të cilin janë afër marrëveshjes për rinovim. /Telegrafi/
