Liderit të Lëvizjes Vetëvendosje, Albin Kurtit i është pamundësuar kandidimi për deputet në zgjedhjet e 14 shkurtit, zgjedhje këto të cilat u përcaktuan nga vendimi i Gjykatës Kushtetuese për vlefshmërinë e votës së ish-deputetit Etem Arifi, në votimin e Qeverisë Hoti.
Kurti nuk është certifikuar, pasi që i njëjti ka përballje me ligjin, bashkë me 46 kandidatë të tjerë nga parti të ndryshme politike në vend.
Por pas kësaj ka reaguar Albulena Haxhiu, nga Lëvizja Vetëvendosje, e cila tha se Kurti gëzon mbështetje shumë të madhe të qytetarëve dhe kjo mbështetje është e pakontesuar prandaj qytetarët me të drejtë janë të shqetësuar për tendencat e qëllimshme për largimin nga lista të Albinit, transmeton lajmi.net.
Tutje Haxhiu theksoi se në shtetin e kapur, kështu ndodhë.
Postimi i plotë:
Albini, gëzon mbështetje shumë të madhe qytetare dhe kjo mbështetje është e pakontestuar prandaj qytetarët me të drejtë janë të shqetësuar për tendencat e qëllimshme për largimin nga lista të Albinit!
Në shtetin e kapur, kështu ndodhë! Këto janë përpjekjet dhe shkelmat e fundit të atyre që e kapën shtetin dhe atyre që i shërbyen shtetit të kapur!.
