Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

10.07.2019 13:07
Rreshtat+- AShkronjat+- Printo
Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Deputeti i Lëvizjes Vetëvendosje, Rexhep Selimi në një konferencë për medie ka hedhur kritika të ashpra në drejtim të presidentit të vendit, Hashim Thaçi.

Këto kritika Selimi i ka dhënë me rastin e publikimit të disa bisedave mes dy komedianëve rusë të paraqitur si zyrtarë të Ukrainës dhe NATO-s dhe kryeministrit të Maqedonisë së Veriut, Zoran Zaev biseda në të cilat flitet për planin rus për ndarjen e territorit të Kosovës.

“Me qindra herë e kemi paralajmëruar planin e Thaçit dhe Vuciqit. Kemi thënë se ekzistojnë ato plane të cilat janë të fshehta nga shqiptarët dhe nga opinioni. Kemi thënë se të gjitha marrëveshjet me Serbinë po vazhdojnë të jenë të fshehta dhe njëkohësisht kundër interesit të qytetarëve të Kosovës. Përveç kësaj edhe faktori ndërkombëtarë dhe aleatët tanë strategjik, kanë shprehur shqetësimin për ndikimin rus në rajon dhe Kosovë. Tash pse u dashka që të dalin incizime të fshehta që ne ta kujtojmë të vërtetën se çfarë po ndodh për ne”, tha Selimi.

“Dje në mediat maqedonase dhe në Kosovë e më gjerë, u ndriçua një bisedë e kryeministrit Zaev me dy komedinë rusë. Kjo ndoshta ka të bëj pak a shumë me aspekte komike sikur mos të ishte përmbajtja shumë shqetësuese e temës që ai po pretendonte se po fliste me presidentin ukrainas. Këto biseda që janë bërë në fillim të vitit 2019, Zaev shprehë shqetësimin e drejtpërdrejt përmes planit për ndryshimit të kufijve po vepron sipas Moskës. Paramendojeni kryeministri i Maqedonisë, shprehet i shqetësuar për fatin e Kosovës”, tha ndër të tjera ai.

Tutje, Selimi shtoi se është shqetësues edhe fakti sesi kryeministri maqedonas është kaq shumë i informuar për një plan të Rusisë për ndarjen e territorit të vendit.

“Kryeministri Zaev shprehet si i informuar mirë me këto plane që kanë të bëjnë me ndarjen e Kosovës. Madje një gjë të tillë e dëshmon vetë deklarata e Thaçit në atë kohë për këtë çështje. Pra Zaev ka qenë i informuar edhe nga dora e parë për këtë. Janë dhjetëra dëme nga Thaçi ndaj Kosovës. Por ato që po dëgjojmë nga Zaev janë shqetësuese edhe për aleatët tanë strategjik për planet e Thaçit dhe Vuciqit si realizim i planeve ruse në rajon”, tha ai.

E për këtë, Selimi ka kërkuar edhe zgjedhje të jashtëzakonshme, për siç tha ai, largimin e Thaçit nga pozita e tij.

“Ky njeri i shantazhuar me dosje të reja e të vjetra nuk mund ta përfaqësojë Kosovën në bisedime me Serbinë. Si i shantazhuar nga Serbia, ai po vepron në interes të Serbisë edhe nëse eventualisht nëse nuk e dëshiron një gjë të tillë. Ju bëjmë thirrje forcave politike që të shkojmë sa më parë zgjedhje të jashtëzakonshme dhe ta largojmë këtë person nga kjo pozitë. E gjithë kjo vjen kur në vend kemi një qeveri të korruptuar. Ne e dimë që Thaçi nuk jep dorëheqje as kur kapet nga skandalet e as kur kapet si shkelës i kushtetutës”, ka thënë Selimi.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Adoleshenti amerikan dënohet me burgim të përjetshëm, ia kishte hequr kokën shokut të vet

Adoleshenti amerikan dënohet me burgim të përjetshëm, ia kishte hequr kokën shokut të vet

Çështjet e mosmarrëveshjeve ndërmjet Bullgarisë dhe Serbisë

Çështjet e mosmarrëveshjeve ndërmjet Bullgarisë dhe Serbisë

Miliarderi amerikan akuzohet për trafikim vajzash

Miliarderi amerikan akuzohet për trafikim vajzash

Korrupsioni dhe mungesa e reformave ulin besimin ndaj Qeverisë

Korrupsioni dhe mungesa e reformave ulin besimin ndaj Qeverisë

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Ministri i Jashtëm i Bosnjës, taksën nga Kosova e konsideron goditje të rëndë

Ministri i Jashtëm i Bosnjës, taksën nga Kosova e konsideron goditje të rëndë

Ambasada amerikane në Beograd kërkon ndriçimin e vrasjes së vëllezërve Bytyçi

Ambasada amerikane në Beograd kërkon ndriçimin e vrasjes së vëllezërve Bytyçi

Dhjetëra mijëra qytetarë protestojnë të qetë në Tiranë

Dhjetëra mijëra qytetarë protestojnë të qetë në Tiranë

Opozita e vendosur të mos ia krijojë kuorumin koalicionit qeverisës

Opozita e vendosur të mos ia krijojë kuorumin koalicionit qeverisës

Fitorja e Mitsotakis ngre pikëpyetje në zbatimin e Marrëveshjes së Prespës

Fitorja e Mitsotakis ngre pikëpyetje në zbatimin e Marrëveshjes së Prespës

Prej nga po furnizohet veriu me mallra?

Prej nga po furnizohet veriu me mallra?

Një vit masë edukative në burg të miturit që sulmoi romen në Ferizaj

Një vit masë edukative në burg të miturit që sulmoi romen në Ferizaj

MJEKU NGA FERIZAJ KËRKON 100 MIJË EURO KOMPENSIM

MJEKU NGA FERIZAJ KËRKON 100 MIJË EURO KOMPENSIM

Momenti kur rrufeja godet aeroplanin në të cilin kishte edhe kosovarë

Momenti kur rrufeja godet aeroplanin në të cilin kishte edhe kosovarë