Deputetja e Vetëvendosjes, Fitore Pacolli, ka kërkuar nga LDK-ja që të thellojë bashkëpunimin për të ndalë PANhajninë.
Përmes një shkrimi në Facebook, Pacolli ka thënë se Albin Kurtit me Isa Mustafën kanë ndalë idenë e Thaçit për korrigjim e ndryshim kufijsh.
Kur pavarësia dhe qenësia e shtetit të Kosovës filloj të vihej në pikëpyetje nga personi që duhej ta mbronte e ta përfaqësonte sa më denjësisht. Lëvizja VETËVENDOSJE! dhe Lidhja Demokratike e Kosovës bashkërenduan qëndrimet dhe veprimet për Republikën. Ky veprim i përbashkët opozitar i ndali përfundimisht iniciativat e papërgjegjshme, jolegjitime dhe jo transparente të Presidentit të Kosovës qëllimi i së cilit ishte copëtimi i Kosovës.
Qëndrimet tona të përbashkëta përçuan mesazhin e popullit tek bashkësia ndërkombëtare se Kosova është republikë parlamentare me integritet territorial dhe institucional, me sovranitet dhe kufij të pacenueshëm.
Veprimet tona të përbashkëta duhet të thellohen edhe më tutje për ta ndalur edhe PANhajninë”, ka shkruar Pacolli.
