Ernesto Valverde ka folur në konferencë për shtyp për ndeshjen e Barcelonës ndaj holandezëve të PSV.
Barcelona është nikoqire e kampionit holandez në ndeshjen hapëse të sezonit të ri të Ligës së Kampionëve.
Ky duel pritet të zhvillohet me fillim nga ora 18:55 në stadiumin mitik Camp Nou.
Trajneri i Barcelonës i cilëson kundërshtarët e tyre si skuadër që do t’ua vështirësojë gjërat gjithë ekipeve në grup.
Por, sipas tij gjiganti katalunas dëshiron ta fitojë Ligën e Kampionëve dhe dëshiron të lë gjurmë në këtë sezon.
“PSV janë një ekip i ri dhe kanë çdo aftësi për të na vështirësuar neve punën dhe ekipet e tjera në këtë grup”, ka thënë fillimisht Valverde në konferencë për shtyp.
“Ne duam të fitojmë Ligën e Kampionëve, si të gjitha ekipet e tjera në këtë garë”.
“Është një garë ndryshe, është e shkurtër dhe nuk mund të përballosh të kalosh pa lënë gjurmë”, përfundoi trajneri spanjoll. /Telegrafi/
