Donika Gërvalla, vajza e veprimtarit Jusuf Gërvalla, ka reaguar ashpër ndaj kryetarit të LDK-së, Isa Mustafa dhe nënkryetarit Agim Veliu, për marrje të vendimeve në dëm të Kosovës dhe LDK-së.
Ajo përmes një statusi në Facebook, ka thënë se ish-Lidhjes Demokratike të Kosovës, të uzurpuar nga “Lidhja” e sotme, vdekjen nuk po ia sjell vetëm Isa Mustafa me partnerë të tij, por ne radhë të parë vet struktura e saj.
Gërvalla i ka dal në mbrojtje kryetarës së Kuvendit dhe nënkryetarës së LDK-së, Vjosa Osmani.
Më poshtë postimi i plotë i Donika Gëërvallës:
“Lidhja” në kthetrat e vdekjes
Ish-Lidhjes Demokratike të Kosovës, të uzurpuar nga “Lidhja” e sotme, vdekjen nuk po ia sjell vetëm Isa Mustafa me partnerë të tij, por ne radhë të parë vet struktura e saj. Nëndegët dhe degët e saj ka vite që nuk kanë guxim të thonë as edhe një fjalë të vetme kur kryesia në Prishtinë merr vendime në dëm të Kosovës dhe të LDK-së. Si qyqana veç në kafene i dëgjon duke debatuar mes vete, por asnjëherë në publik.
Nuk folën as kur “Lidhja” e Isa Mustafës theu besën e dhënë dhe bëri koalicion me LDK-në, as kur e bënë me dhunë dhe presion Hashim Thaçin, president kundër vullnetit të shumicës dhe me pasoja shumë të rënda për vendin, as kur Isa Mustafa mbronte demarkacionin e Thaçit me Malin e Zi dhe humbjen e mijëra hektarëve tokë Dukagjini.
Nuk e hapin gojën as tash kur çohet nëntoka dhe ua sulmon znj. Vjosa Osmani, të vetmin personalitet, në emër të të cilit në zgjedhjet e fundit nuk kishin frikë të trokisnin në dyert e votuesve të LDK-së për të kërkuar vota.
Rrini, vetëm rrini dhe heshtni, ndërkohë që qytetarët presin nga ju veprime të matura dhe të guximshme.
Zdhjedhjet e ardhshme do të vijnë, herët apo vonë, por për “Lidhjen” tepër vonë. Koha e iluzioneve ka mbaruar.
