Presidenti i Kosovës, Hashim Thaçi, sot ka pranuar kredencialet edhe të ambasadorit të ri të Malit të Zi, Ferhat Dinosha.
Thaçi ka shprehur kënaqësinë që Mali i Zi ka ngritur përfaqësimin në nivel ambasadori në Kosovë.
“Marrëdhëniet me Malin e Zi janë marrëdhënie të shkëlqyera fqinjësore . Mali i Zi ka marrë vendimin më të drejtë kur ka njohur Kosovën, përkundër presioneve që kishte, si dhe vazhdon të përkrah Kosovën në të gjitha organizatat dhe forumet ndërkombëtare dhe për këtë jemi mirënjohës”, ka thënë presidenti Thaçi.
Thaçi i shprehu përkrahjen e tij ambasadorit Dinosha për thellimin e bashkëpunimit në mes dy vendeve në të gjithë sektorët./Telegrafi/