Telekomi punësoi vjehrrin 60 vjeçar të Mërgim Lushtakut, u punësuan edhe pensionistë

11.03.2019 19:33
Rreshtat+- AShkronjat+- Printo
Telekomi punësoi vjehrrin 60 vjeçar të Mërgim Lushtakut, u punësuan edhe pensionistë

Telekomi i Kosovës është bërë strehë punësimi edhe për individë në pensionim apo afër tij, në kohën që kërkohet më shumë inovacion në këtë ndërmarrje.

Një fat i tillë e ka përcjellë Shaqir Qerimin, i cili pak pa i mbushur 60 vjet, u punësua në ndërmarrjen publike, madje si agjent i shitjes, raporton KTV.

Edhe më mirë për familjen është bërë kur vajza e tij, Shehide Qerimi Lushtaku, u punësua si drejtoreshë e Auditimit, disa muaj më vonë. Ajo është bashkëshortja e deputetit të PDK-së, Mërgim Lushtaku.

E, anëtari i Bordit të Drejtorëve në Telekom rastis të jetë Sead Ujkani, i cili është shok i ngushtë i Gëzim Qerimit, që është djali i Shaqirit, respektivisht vëllai i Shehides.

Si drejtoreshë e departamentit të Auditimit, Shehide Lushtaku Qerimi është përgjegjëse për t’u siguruar nëse Telekomi zbaton ligjet dhe procedurat e punësimit.

Në pozitën e rëndësishme, Qerimi – Lushtaku është përzgjedhur nga një komision, pjesë e të cilit ka qenë edhe Sead Ujkani, që është edhe mik i deputetit Mërgim Lushtaku.

“Kohavisioni” ka kontaktuar anëtarin e Bordit, Sead Ujkanin, për të pyetur nëse ka përdorur autoritetin e tij për këto punësime, por ai ka akuzuar mediat për shantazh dhe dëmtim të imazhit të ndërmarrjes.

Ujkani ka thënë se pyetjet i janë drejtuar gabimisht, pasi për këtë përgjegjës është menaxhmenti i Telekomit.

“Kërkoj që të mos raportoni në mënyrë tendencioze duke shpifur edhe për ndikimin politik në procesin e përzgjedhjes sime, apo edhe duke paraqitur foton time disa herë pa qenë fare pjesë e lajmit… konform të drejtës sime do të vazhdoj me procedurat përkatëse ligjore për secilin shantazhim personal që grupe të interesit shfrytëzojnë mediat për arritjen e qëllimeve të tyre që janë në kundërshtim me ligjin dhe dëmtojnë interesin e ndërmarrjes”, ka thënë Ujkani në një përgjigje me shkrim

Por, Telekomi ka punësuar edhe pensionistë.

Rexhë Shoshi i bëri 67 vjet më 1 maj të vitit të kaluar, por muaj me vonë u punësua si këshilltar për çështje Ekonomike në këtë ndërmarrje.

Shoshi, duke folur për “Kohavisionin”, ka theksuar se u ka shërbyer disa kryeshefave si ekspert për çështje ekonomike, por që ai është larguar nga aty në momentin e përzgjedhjes së Bedri Istrefit si kryeshef i Telekomit.

Ai ka shtuar se shpeshherë ka këshilluar edhe Driton Lajçin, i cili deri para pak kohe ka punuar si Koordinator i shitjes Institucionale në Telekom.

67- vjeçari Rexhë Shoshi është biznesmen dhe merret me tregtimin e lëndëve djegëse.

Ndërkaq, Bordi i Telekomit në fund të shkurtit kishte arsyetuar punësimet e reja me tentimin e tyre për ta zvogëluar moshën mesatare në këtë ndërmarrje.

Në një raport që kryesuesja Besa Shatri Berisha i kishte dërguar Ministrit Valdrin Lluka kishte përmendur faktin që mosha mesatare e punëtorëve të Telekomit është 50 vjeç.

“Modernizimi i rrjetit dhe shtrirja e ‘broadband’ në tërë territorin e Kosovës, është sfidë më vete dhe kërkon energji, punonjës të rinj si në moshë, ashtu edhe në njohuri tekniko teknologjike. Për fat të keq, Telekomi i Kosovës nuk i ka në dispozicion kur dihet se mesatarja e moshës së punëtorëve sillet rreth 50 vjeç”, thuhet në raport.

Menaxhmenti i Telekomit të Kosovës ka refuzuar t’i komentojë të dyja rastet.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Ministria e Infrastrukturës hesht përballë kërkesës për heqjen e monopolit në homologim

Ministria e Infrastrukturës hesht përballë kërkesës për heqjen e monopolit në homologim

Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK

Dy filma të gjatë Kosovarë mbështeten nga Agjensioni për Film i Maqedonisë Veriore

Dy filma të gjatë Kosovarë mbështeten nga Agjensioni për Film i Maqedonisë Veriore

Policia me masa shtesë gjatë sezonit veror

Policia me masa shtesë gjatë sezonit veror

Kryeministri Haradinaj ka një apel të rëndësishëm për bashkatdhetarët

Kryeministri Haradinaj ka një apel të rëndësishëm për bashkatdhetarët

Shqipëria – 25 mijë euro për Bujanocin, Serbia 40 milionë për serbët e Kosovës

Shqipëria – 25 mijë euro për Bujanocin, Serbia 40 milionë për serbët e Kosovës

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

A do të mbahet ‘Beer Fest-i’ i radhës në Prishtinë?

A do të mbahet ‘Beer Fest-i’ i radhës në Prishtinë?

Veseli dorëzon kërkesën për themelimin e Komisionit që heton Listat e Veteranëve

Veseli dorëzon kërkesën për themelimin e Komisionit që heton Listat e Veteranëve

Çka fshihet pas mashtrimit të Zaevit nga humoristët rusë?

Çka fshihet pas mashtrimit të Zaevit nga humoristët rusë?

Haradinaj i reagon Zaevit: Askush s’do ta ndajë Kosovën

Haradinaj i reagon Zaevit: Askush s’do ta ndajë Kosovën

Lajmi i fundit: Naim Malokun e kontakton Gjykata Speciale

Lajmi i fundit: Naim Malokun e kontakton Gjykata Speciale

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Adoleshenti amerikan dënohet me burgim të përjetshëm, ia kishte hequr kokën shokut të vet

Adoleshenti amerikan dënohet me burgim të përjetshëm, ia kishte hequr kokën shokut të vet

Çështjet e mosmarrëveshjeve ndërmjet Bullgarisë dhe Serbisë

Çështjet e mosmarrëveshjeve ndërmjet Bullgarisë dhe Serbisë