Një police gjermane është qëlluar me armë në kokë nga një person i cili ia kishte rrëmbyer armën asaj në Munih.
Policja është plagosur rëndë, ndërsa edhe dy kalimtarë të rastit janë plagosur në incidentin me të shtëna në stacionin Unterfohring S-Bahn, transmeton Express.
Ndërkohë, policia e ka qëlluar dhe plagosur sulmuesin, i cili gjendet në paraburgim tani.
Policia ka thënë se sulmi nuk ishte terrorist.
Kalimtarët e rastit dhe i dyshuari nuk janë plagosur rëndë.
Policia ka njoftuar se situata është nën kontroll dhe se nuk ka rrezik.