Shkupi mirëpret hapjen e negociatave me BE-në

25.03.2020 15:52
Rreshtat+- AShkronjat+- Printo
Shkupi mirëpret hapjen e negociatave me BE-në

Drejtuesit e institucioneve të Maqedonisë së Veriut presin që menjëherë pas normalizimit të gjendjes me koronavirusin, të mbahet mbledhja e parë ndërqeveritare, që shënon edhe fillimin zyrtar të bisedimeve mes Bashkimit Evropian dhe Maqedonisë së Veriut.

Pritjet e këtilla vijnë pasi të martën Këshilli i Çështjeve të Brendshme i Bashkimit Evropian miratoi hapjen e negociatave të anëtarësimit me Shqipërinë dhe Maqedoninë e Veriut.

“Mbledhja e parë ndërqeveritare do të mbahet varësisht zhvillimeve apo normalizimit të gjendjes me koronavirusin. Kjo është diçka që nuk varet nga askush prej nesh. Me rëndësi është që kemi vendim pozitiv dhe besojmë se kjo do të ndodhë sa më shpejt që të jetë e mundur…Duke marrë parasysh se shumë gjatë jemi në negociatat para-aderuese apo me statusin e shtetit kandidat, pjesën dërrmuese të kohës gjatë mandatit tonë e kemi shpenzuar në zbatimin e reformave të nevojshme për anëtarësim”, ka deklaruar kryeministri, Oliveri Spasovski.

Kreu i delegacionit të negociatave, zëvendëskryeministri, Bujar Osmani thotë se pas këtij vendimi shumë të rëndësishëm vendin e pret një punë e gjatë e cila beson se do të kurorëzohet me sukses.

“Mirë është të dimë se në të ardhmen e afërt na presin sfidat e negociatave për anëtarësim në Bashkimin Evropian. Është një proces që do të thotë progres për vendin, reforma të cilët do të nënkuptojnë ngritje të institucioneve evropiane, nxitje më të madhe për investitorët, më shumë punë për ndërmarrjet, më shumë vende të reja të punës, të ardhura më të larta dhe standard më të lartë jetësor”, ka deklaruar zëvendëskryeministri, Bujar Osmani.

Expose: Rruga drejt BE-së, më kërkuese

Vendimi është mirëpritur nga të gjitha partitë politike. Kryetari i LSDM-së, ish kryeministri Zoran Zaev tha të mërkurën se Maqedonia e Veriut po realizon ëndrrën e saj shumëvjeçare, që të jetë pjesë e familjes evropiane, për të cilën siç tha u bënë sakrifica të mëdha dhe u morën vendim e të guximshme.

“Pa marrëveshjen e Prespës dhe pa marrëveshjes e fqinjësisë së mirë me Bullgarinë, pa reformat dhe ndryshimet kushtetuese, pa ligjin e prokurorisë publike, as që do të mund të paramendohej suksesi që tani kemi arritur. Kjo u bë e mundur falë vendimeve të guximshme që i hap dyer e pritjes thuajse 15 vjeçare të vendit tonë. Datën për nisjen e bisedimeve e kemi marrë pa asnjë kusht, që paraqet konfirmim të punës së bërë”, ka deklaruar ish kryeministri Zoran Zaev.

Edhe opozita ka mirëpritur vendimin, por ka theksuar se kjo e arritur nuk është e vetëm një partie politike, por e të gjitha atyre që kanë dhënë kontribut për integrimin evropian të vendit.

“Ky është një sukses i shkëlqyeshëm për vendin tonë, diçka për të cilën kemi punuar mbi 20 vjet. Ne këtë e vlerësojmë sinqerisht si një sukses kolektiv, jo vetëm të të gjithë brezave politikë që janë marrë me këtë çështje deri më tani, por të të gjithë punonjësve të sektorit publik të cilën gjithë karrierën e tyre ia kanë kushtuar kësaj çështjeje, sektorit civil, individëve që kanë investuar në promovimin e integrimit evropian, përfaqësuesve të komunitetit të biznesit dhe komunitetit akademik”, thuhet në një njoftim me shkrim të VMRO DPMNE-së.

Vendimi i ministrave të BE-së për nisjen e bisedimeve të anëtarësimit duhet të konfirmohet edhe nga shefat e shteteve dhe qeverive të vendeve anëtare të BE-së. Samiti i rregullt, i paraparë të mbahet më 26 dhe 27 mars, është shtyrë për shkak të situatës me koronavirusin, por udhëheqësit do të marrin pjesë në një video-konferencë me ç’rast përveç gjendjes me pandeminë pritet të marrin edhe vendimin final për hapjen e bisedimeve me Maqedoninë e Veriut dhe Shqipërinë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


“Covid-19 do ta lërë botën më ndryshe se që ‘e gjeti’ – dhe më të përgatitur për pandeminë tjetër”

“Covid-19 do ta lërë botën më ndryshe se që ‘e gjeti’ – dhe më të përgatitur për pandeminë tjetër”

Sindikata kërkon që edhe punëtorët e KEDS-it të përfshihen në pakon emergjente

Sindikata kërkon që edhe punëtorët e KEDS-it të përfshihen në pakon emergjente

25 raste të reja me Covid-19 në Maqedoni, regjistrohet edhe një viktimë

25 raste të reja me Covid-19 në Maqedoni, regjistrohet edhe një viktimë

Ministri i Financave thotë se edhe gazetarët janë përfshirë në pakon e ndihmës së qeverisë

Ministri i Financave thotë se edhe gazetarët janë përfshirë në pakon e ndihmës së qeverisë

43 persona të prekur me Covid-19 janë duke u trajtuar në Klinikën Infektive

43 persona të prekur me Covid-19 janë duke u trajtuar në Klinikën Infektive

Gucati: Kategoritë e dala nga lufta të përfshihen në pakon emergjente të Qeverisë

Gucati: Kategoritë e dala nga lufta të përfshihen në pakon emergjente të Qeverisë

Pakënaqësi me masat ekonomike për përballjen me koronavirusin

Pakënaqësi me masat ekonomike për përballjen me koronavirusin

Kurti: Reciprocitet, sepse barazi – jemi për tregti pa pengesa me shtetet e rajonit

Kurti: Reciprocitet, sepse barazi – jemi për tregti pa pengesa me shtetet e rajonit

Shërbimi Korrektues: Dy zyrtarë të infektuar me koronavirus, gjenden në karantinë

Shërbimi Korrektues: Dy zyrtarë të infektuar me koronavirus, gjenden në karantinë

Kosova do të furnizohet me miell dhe grurë të mjaftueshëm

Kosova do të furnizohet me miell dhe grurë të mjaftueshëm

Heqja e taksës jep efektin e vet, 16 maune nga Serbia futen në Kosovë – asnjë nga Bosnja

Heqja e taksës jep efektin e vet, 16 maune nga Serbia futen në Kosovë – asnjë nga Bosnja

Komuna e Obiliqit ka filluar me shpërndarjen e 1200 pakove për familjet në nevojë

Komuna e Obiliqit ka filluar me shpërndarjen e 1200 pakove për familjet në nevojë

Arabia Saudite kërkon nga besimtarët që t’i shtyjnë rezervimet për haxh

Arabia Saudite kërkon nga besimtarët që t’i shtyjnë rezervimet për haxh

Konjufca për reciprocitetin ndaj Serbisë: Barazia është rruga e vetme për normalizim marrëdhëniesh

Konjufca për reciprocitetin ndaj Serbisë: Barazia është rruga e vetme për normalizim marrëdhëniesh

Rama: Do ta zgjerojmë paketën financiare gjatë muajit prill

Rama: Do ta zgjerojmë paketën financiare gjatë muajit prill

Shtetet e Bashkuara ishin të qarta se Kosova duhet të heqë të gjitha tarifa

Shtetet e Bashkuara ishin të qarta se Kosova duhet të heqë të gjitha tarifa