Serbia shpërfaq synimet për ndarje të Kosovës

E publikuar: 02/07/2018 10:06
Rreshtat+- AShkronjat+- Printo

Ndarja e Kosovës përmes dialogut të Brukselit është njëri nga synimet e Serbisë. Madje së fundi kjo është konfirmuar nga vetë kreu i shtetit serb, Aleksandar Vuçiq. Ndërkohë që ky opsion konsiderohet i papranueshëm dhe i rrezikshëm në Kosovë, shkruan sot Gazeta “Zëri”

Pushteti në Serbi tashmë e konsideron të humbur Kosovën, megjithatë nuk i fsheh ambiciet për ndarje të Kosovës.

Presidenti i Serbisë, Aleksandar Vuçiq, ka thënë se është sukses edhe në qoftë se vetëm një metër arrijnë ta kthejnë nga ajo që e ka humbur Serbia, shkruan më tutje “Zëri”.

“Nga e gjitha që ata e humbën (qeveritë e kaluara të Serbisë) nëse veç një metër e marrim është fitore, sepse tani nuk kemi asgjë”.

Ndërsa partitë në pushtet në Kosovë thonë se tashmë dihen pretendimet e Serbisë, por thonë se territori dhe sovraniteti i Kosovës do të mbeten të paprekshme.

Kurse opozitarët thonë se më shumë po i frikësohen presidentit të Kosovës Hashim Thaçit sesa atij serb Aleksandar Vuçiq.

Sipas tyre, më shqetësuese janë deklaratat e Thaçit për heqje të “vijave të kuqe” në fazën e fundit të dialogut me Serbinë sesa pretendimet e Serbisë për ndarje të Kosovës….(Shkrimin e plotë mund ta lexoni në numrin e sotëm të Gazetës Zëri si dhe në versionin Online me parapagim në online.zeri.info)