Rritet rreziku nga skandali i qumështit Lactalis dhe sëmundja e salmonellës

14.01.2018 10:50
Rreshtat+- AShkronjat+- Printo
Rritet rreziku nga skandali i qumështit Lactalis dhe sëmundja e salmonellës

Në fund të 2017-ës, Franca urdhëroi ndalimin e shitjes së qumështit për foshnja i njohur me emrin “Lactalis”.

Lactalis është një nga prodhuesit më të mëdhenj të qumështit në botë, dhe arsyeja e ndalimit ishte për shkak të baktereve të Salmonellës që përçohej nga po ky qumësht, shkruan Reuters, transmeton Koha.net.

Ndalohet shitja e qumështit Lactalis, frikë nga sëmundja e salmonellës

Tani në 83 vende të botës është përhapur rreziku nga ky qumësht ku më shumë se 20 milionë kuti të qumështit të pluhurzuar të foshnjave u shpërndanë nëpër vende të ndryshme.

Shefi ekzekutiv i firmës së këtij qumështi, Emmanuel Besnier, ka konfirmuar shkallën e rrezikut.

Paditë janë paraqitur nga shumë prindër të cilët thonë se fëmijët e tyre u sëmurën pas pirjes së këtij qumështi.

Një zëdhënës i ka thënë BBC-së se të gjitha vendet e prekura janë në Evropë, Azi, Amerikën Latine dhe në Afrikë. Mbretëria e Bashkuar, SHBA-ja dhe Australia janë vendet që nuk u prekën, ka shtuar ai.

Lactalis është një nga prodhuesit më të mëdhenj në botë të produkteve të qumështit, me një shitje vjetore prej 17 miliardë eurosh, ka 246 vende prodhimi në 47 vende dhe ka të punësuar 15,000 vetë vetëm në Francë.

Salmonella mund të shkaktojë diarre të rënda, dhimbje stomaku, të vjella dhe dehidrim të rëndë. Mund të jetë edhe vdekjeprurëse veçanërisht tek fëmijët e vegjël.

Deri tani 35 raste janë raportuar në Francë dhe një tjetër është konfirmuar edhe në Spanjë, shkruan BBC, transmeton Koha.net.

Një tjetër rast po hetohet edhe në Greqi, kanë thënë autoritetet franceze.

Në një intervistë ekskluzive në gazetën franceze “Journal du Dimanche”, shefi ekzekutiv i Lactalis mohoi se firma kishte tentuar të fshehte shpërthimin e këtij skandali në fabrikë.

“Ka ankesa dhe do të ketë një hetim me të cilin do të bashkëpunojmë me të gjithë”, tha Besnier.

Ai gjithashtu ka premtuar se kompania do të kompensojë çdo familje të prekur.

Kompania ka thënë se besojnë se kjo baktere u përhap nga puna rinovuese në fabrikën e tyre Celia në Craon, në Francën veriperëndimore.

Ministri i bujqësisë i Francës ka thënë se produktet nga fabrika do të ndalohen pafundësisht ndërsa hetimi vetëm se ka filluar.

Qeveria franceze ka paralajmëruar kompaninë se duhet të presë dënime. Ata gjithashtu kërkuan të vendosnin sanksione kundër shitësve, pasi u zbulua se disa zinxhirë të supermarketeve kishin vazhduar të shesin produktet që mund të ishin të kontaminuara./koha.net/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Veteranët ia ‘mësyjnë’ detit

Veteranët ia ‘mësyjnë’ detit

OEK bën thirrje që Kosova sa më shpejt të aplikojë për anëtarësim në Organizatën Botërore të Tregtisë

OEK bën thirrje që Kosova sa më shpejt të aplikojë për anëtarësim në Organizatën Botërore të Tregtisë

IPKO mbyll kodin e telefonisë fikse +381

IPKO mbyll kodin e telefonisë fikse +381

Policia: 73-vjeçari vrau gruan dhe veten në Prishtinë

Policia: 73-vjeçari vrau gruan dhe veten në Prishtinë

Opozita kritikon Qeverinë për moszbatim të MSA-së

Opozita kritikon Qeverinë për moszbatim të MSA-së

Bytyqi: Në shtator fillon vlerësimi i performancës së mësimdhënësve

Bytyqi: Në shtator fillon vlerësimi i performancës së mësimdhënësve

O’Connell konfirmon vazhdimin e mbështetjes për Kosovën

O’Connell konfirmon vazhdimin e mbështetjes për Kosovën

Debati rreth marrëveshjes për emrin përcillet me protestë

Debati rreth marrëveshjes për emrin përcillet me protestë

Sherr i madh për Teatrin, Vokshi: Mbyll gojën se të nxjerr jashtë! Veliaj: Harroje, nuk dal!

Sherr i madh për Teatrin, Vokshi: Mbyll gojën se të nxjerr jashtë! Veliaj: Harroje, nuk dal!

Daçiq: 24 vende do t’i bëjnë presion Serbisë për ta njohur Kosovën

Daçiq: 24 vende do t’i bëjnë presion Serbisë për ta njohur Kosovën

Serbia ia ndalon edhe Shkelzen Maliqit të hyjë në territorin e saj

Serbia ia ndalon edhe Shkelzen Maliqit të hyjë në territorin e saj

Arrestohet i dyshuari  për vjedhje të gomave në Fushë Kosovë

Arrestohet i dyshuari për vjedhje të gomave në Fushë Kosovë

Dy vite burg për veprën penale marrje ryshfeti

Dy vite burg për veprën penale marrje ryshfeti

Kosovarja arrestohet në Austri për terrorizëm: 15-vjeçarja planifikonte sulm me helm

Kosovarja arrestohet në Austri për terrorizëm: 15-vjeçarja planifikonte sulm me helm

Bëhet trajtimi i ndërtimeve pa leje në veriun e Kosovës

Bëhet trajtimi i ndërtimeve pa leje në veriun e Kosovës

Vuçiq dhe Thaçi takohen të dielën në Bruksel?

Vuçiq dhe Thaçi takohen të dielën në Bruksel?