Bilanci i sezonit të fundit u mbyll me një plus prej 10,6 milionë Eurosh, dhe tashmë Paris Saint Germain me një arkëtim që kap shifrën e 540 milionë Eurove shikon me ambicie të mëdha nga e ardhmja. Me ose pa Zlatan Ibrahimovic edhe pse klubi parizien është i gatshëm të hyjë në bisedime me bomberin suedezin për rinovimin e kontratës. Thelbësor do të jetë muaji Prill me Paris Saint Germain-in që gjatë kësaj periudhe do të sfidojë në cerekfinalet e Champions League, Manchester City-in.
Për Ibrahimovic në fakt misioni sapo ka nisur, sipas lajmeve që vinë nga Franca drejtuesit e Parisit i kanë ofruar suedezit rinovimin e kontratës edhe për 1 sezon, me një pagë disi më të ulët. Megjithatë përpara duhet të kuptohet se cfarë do të bëjë Paris Saint Germain në Champions League me gjysmëfinalet e këtij kompeticioni që janë një objektiv parësor edhe për trajnerin Blanc i cili gjithsesi ka mbështetjen e presidentit Al Khelaifi dhe më shumë gjasa do të jetë tekniku francez ai që do të planifikojë merkaton e ardhshme. Nëse Ibrahimovic nuk rinovon, drejtuesit do të kërkojnë një profil të ngjashëm me suedezin për nga cilësitë dhe jo vetëm, emri më i pëlqyer është Cristiano Ronaldo. Ndërkohë mund të largohet nga skuadra pariziene edhe bomberi uruguain Edinson Cavani.
