Real Madridi ka fituar me rezultat 2-0 ndeshjen derbin të javës në La Liga ndaj Valencias.
Mbretërit i janë kthyer fitores në kampionat, duke mposhtur Valencian në ndeshjen derbi të vlefshme për javën e 14-të në La Liga.
Pjesa e parë e ndeshjes u karakterizua me dominim nga vendasit e Realit, të cilët arritën të shënojnë edhe një gol.
Goli i vetëm në këtë pjesë erdhi në minutën e tetë të ndeshjes, ku Daniel Wass shënoi autogol pas harkimit të Dani Carvajlit për epërsinë 1-0 të Realit.
Në pjesën e dytë u zhvillua lojë më e barabartë, me Valencian që pati disa raste për të barazuar rezultatin, por me Realin që shënoi dhe mbylli ndeshjen.
Luhej minuta e 83-të e ndeshjes kur Lucas Vazquez shënoi për 2-0 pas asistimit të Karim Benzemas dhe vulosi fitoren dhe rezultatin përfundimtar.
83′ YESSSSSSSSS! @Lucasvazquez91!!!!@realmadrid 2-0 @valenciacf_en #FIFA19 | #RMLiga pic.twitter.com/KgAIsz4y63
— Real Madrid C.F. 🇬🇧🇺🇸 (@realmadriden) December 1, 2018
Pas kësaj fitore, Mbretërit ngjiten në vendin e pestë me 23 pikë, ndërsa Valencia renditet e 13-ta me 17 pikë.
Në ndeshjen e radhës, Reali luan në udhëtim te Huesca, teksa Valencia e pret Sevillan në Mestalla. /Telegrafi/
