Qeveria e Kosovës i ka dhënë leje zyrtarit serb Marko Gjuriq, drejtor i Zyrës për Kosovë në qeverinë e Serbisë, që gjatë kësaj jave të vizitojë Kosovën.
Top Channel ka mësuar nga burime pranë qeverisë se Gjuriq ka kërkuar që t’i lejohet hyrja në Kosovë për të takuar përfaqësuesit e serbëve në veri të Mitrovicës.
Mësohet se gjatë qëndrimit në Kosovë, Gjuriq do të takojë përfaqësuesit e komunave me shumicë serbe dhe deputetët e Listës Serbe, për të diskutuar mbi hapat e mëtejshëm për formimin e Asociacionit të Komunave Serbe.
