Tifozët e Interit janë të nervozuar me injorimin e protokollit të VAR-it në humbjen prej 1-0 ndaj Parmas.

Ishte pikërisht golashënuesi Federico DiMarco ai që u dyshua se preku topin me dorë duke e larguar nga vija fatale pas një goditje të Ivan Perisic.

Ishte lloji i incidentit për të cilin VAR ishte krijuar dhe gjyqtari Ginaluca Manganiello as nuk e shikoi vet videon në formë të ngadalësuar.

Ai i besoi verdiktit të zyrtarit të VAR-it që ishte Gianluca Rocchi dhe kërkoi vazhdimin e ndeshjes.

Teksa shumë njerëz mund të thonë se DiMarco e bëri ndërhyrjen në formë të paqëllimt, fakt është se gjyqtari është dashur të shikonte vet videon para se te merrte vendimin përfundimtar, shkruajnë mediat italiane.

Zgjedhja e injorimit të mundësisë së shikimit të rastit me video në fushë është thyerje e protokollit të VAR-it, pasi që gjyqtari në fushë gjithmonë ka vendimin përfundimtar.

Portieri i Interit, Samir Handanovic po ashtu u ankua për DiMarcon i cili ka mundur të përjashtohej për atë prekje me dorë në vijën fatale, e që ishte në gjendje të shënonte golin fitues pasi një lojtar i Parmës nga pozicioni jashtë loje e pengoi Handanovicin që ta shikonte rrugëtimin e topit.

Edhe këtë ka mundur ta vendoset me VAR nëse lojtari në pozicion jashtë loje ishte aktiv ose pasiv.

Momenti kontestues për të cilin kërkoi VAR portieri Samir Handanovic.

Nuk është vetëm Interi që është i pakënaqur me Manganiellon dhe zyrtarët e VAR-it, sepse në minutat hapëse Roberto Gagliardini ndërhyri ashpër në Antonio Di Gaudion.

Manganiello as që lejoi gjuajtje të lirë, që do të thotë se ai nuk e shikoi si duhet indicentin, e duke e bërë pikërisht këtë indicent një kandidat për ri-shikim me VAR. /Telegrafi/