Nesër në orën 11:00, në sheshin e qytetit të Gjilan, hapet Panairi Rajonal të quajtur “Panairi i Gjilanit 2018”, me pjesëmarrjen e rreth 120 kompanive të Kosovës, Shqipërisë, Malit të Zi, Maqedonisë, Luginës së Preshevës dhe Turqisë.
Ky panair i organizuar nga Ministria e Tregtisë dhe Industrisë së Kosovës, Komuna e Gjilanit, si dhe Ambasada e Republikës së Shqipërisë në Prishtinë, mbahet në datat 26- 27-28 shtator 2018.
Bizneset që kanë konfirmuar pjesëmarrjen deri tani janë si më poshtë vijon:
Shqipëria 40 +
Maqedonia 6
Mali i Zi 3
Turqia 1
Kosova 65 +
————————–
Gjithsej 115 +
Panairi i Gjilanit ka për qëllim forcimin e marrëdhënieve ndërmjet sipërmarrësve nga rajoni si dhe inkurajon konkurueshmërinë e NVM-ve të cilat konsiderohen si shtysë e zhvillimit të qëndrueshëm ekonomik. Ai gjithashtu, ofron mundësinë për të promovuar bizneset, pasi do të ketë një gamë të gjerë sektorësh, përfshirë këtu sektorin e bujqësisë dhe industrisë ushqimore, hortikulturës, frutave të malit, bimëve medicinale, artizanale etj.
Kosova, Shqipëria, Maqedonia, Mali i Zi, Lugina e Preshevës dhe Turqia do të kenë mundësi për të ekspozuar produktet dhe shërbimet e tyre vendore.
Ky panair, i pari në llojin e vet, do të ketë edhe një hapësirë për grupe artistike dhe sportive, në mënyrë që të bëhet sa më tërheqës, jo vetëm për banorrët e Gjilanit por për të gjithë qytetarët që do e vizitojnë atë.
