Pacientët e sëmurë më kancer gjatë pjesës më të madhe të vitit 2016 nuk e kanë pasur në dispozicion citostakun “Imatinib Mesylat”.
Procedurat e tenderit kanë zgjatur rreth 10 muaj, nga tetori i vitit të kaluar deri në fillim të gushtit të këtij viti, shkruan sot Koha Ditore.
Pa u bërë tre muaj nga nënshkrimi i kontratës, pacientët e sëmurë me kancer kanë mbetur prapë pa këtë bar. Në Qendrën Klinike Universitare të Kosovës (QKUK) kanë konfirmuar se nuk e kanë asnjë pako të këtij bari.
“Ky bar për momentin nuk është në QKUK”, ka thënë ky institucion në një përgjigje me shkrim.