Oliver Ivanoviq zyrtarisht ende në gjyq për krime lufte

31.01.2018 16:56
Rreshtat+- AShkronjat+- Printo
Oliver Ivanoviq zyrtarisht ende në gjyq për krime lufte

15 ditë pas vrasjes së Oliver Ivanoviqit, EULEX-i ende nuk e ka pushuar procedurën gjyqësore ndaj të akuzuarit për krime lufte ndaj popullatës civile, gjatë prillit 1999 në Mitrovicë
Misioni Evropian për Sundim të Ligjit në Kosovë ka konfirmuar për Gazetën Express se procedura gjyqësore ndaj politikanit serb, të vrarë para më shumë se dy jave, nuk është pushuar akoma.

“Aktvendimi i cili do të tregojë se procedura do të ndërpritet për shkak të vdekjes së të akuzuarit, Oliver Ivanoviq, ende nuk është nxjerrë”, është përgjigjur me e-mail EULEX.

“Në momentin kur të nxirret, ky aktvendim do të bëhet publik”, thotë ky mision përmes zëdhënëses Donika Berisha-Rizaj.

Sipas Kodit të Procedurës Penale të Republikës së Kosovës aktvendimin për pushimin e procedurës penale e merr prokurori i shtetit kur gjatë rrjedhës së procedurës penale vërtetohet se i pandehuri ka vdekur.

Ish-lideri i vrarë i SDP-së, Oliver Ivanoviq, ka qenë duke u gjykuar për krime lufte në Kosovë, përfshirë vrasjen dhe dëbimin e popullatës civile shqiptare gjatë prillit të vitit 1999, në Mitrovicë.

Në fakt procesi ndaj tij ka qenë në rigjykim, pasi Gjykata e Apelit e ktheu rastin në pikën zero, shkurtin e vitit të kaluar. Një vit më herët, më 21 janar 2016, Gjykata Themelore në Veri të Mitrovicës e kishte gjetur fajtor për krime lufte ndaj shqiptarëve politikanin serb Oliver Ivanoviq.

Atij kjo Gjykatë i kishte shqiptuar dënimin prej 9 vjetësh burgim.

Sipas këtij aktgjykimi të Themelores, që Apeli e kishte kthyer në rivendosje, Oliver Ivanoviq kishte marrë pjesë në vrasjen e të paktën katër burrave shqiptarë, prej 49-ve sa akuzohej, dhe përndjekjen e shumë grave dhe fëmijëve nga shtëpitë e tyre në Mitrovicë në vitin 1999. Por, gjykata nuk kishte arritur të bindet se ish-mjeshtri i arteve marciale kishte qenë komandues i këtij krimi.

Me të njëjtin aktgjykim, Gjykata Themelore e Mitrovicës i kishte liruar nga të njëjtat akuza katër serbë tjerë të dyshuar si bashkëpunëtorë të ish-deputetit të Kuvendit të Kosovës, tashmë të vdekur.

Oliver Ivanoviq u vra me gjashtë plumba, mëngjesin e 16 janarit 2018, derisa po shkonte me këmbë në zyrën e partisë së tij SDP në veri të Mitrovicës.

Ivanoviq, menjëherë pas lufte u bë politikani serb më i pranueshëm nga shqiptarët e Kosovës. Me vite të tëra, serbi i lindur në Deçan, habiste shqiptarët dhe serbët në të njëjtën kohë, deri kur ndaj tij, EULEX ngriti aktakuzën për krime lufte dhe vrasjen e 49 shqiptarëve, përfshirë 20 viktimat e Lagjes së Kovaçëve.

Autoritetet kosovare ende nuk kanë ndonjë të dyshuar për vrasjen e ish-deputetit dhe ish-anëtarit të Kryesisë së Kuvendit të Kosovës, për disa legjislatura pas lufte.

Vetëm pak ditë pas vrasjes, familjarët e viktimave të krimeve për të cilat dyshohej se urdhëroi Oliver Ivanoviqi, i thanë Gazetës Express se vrasja nuk ishte fundi që donin për të.

“Askush nuk mund të thotë se jemi të kënaqur. Është dashur të dënohet sa ka qenë i gjallë, me burg të përjetshëm. Ka pasë shumë gjëra që kanë mundur të zbulohen sa ka qenë i gjallë”, pati thënë për Express, më 19 janar 2018, Isa Mustafa, një i mbijetuar nga masakra në Rrugën e Kovaçëve në Mitrovicë.

“Është vra një kriminel”, ishte reagimi i Fatime Pllanës, gruas që më 14 prill 1999 iu vranë dy djemtë dhe dhëndri, në masakrën që supozohet të jetë kryer me urdhër të Oliver Ivanoviqit. /GazetaExpress/.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Institucionet shtetërore duhet të gjejnë mënyrë për hapjen e dosjeve të të gjithë spiunëve

Institucionet shtetërore duhet të gjejnë mënyrë për hapjen e dosjeve të të gjithë spiunëve

Gazeta proevropiane serbe: Thaçi u intervistua para disa javësh nga Tribunali Special

Gazeta proevropiane serbe: Thaçi u intervistua para disa javësh nga Tribunali Special

Kërkohen reforma në arsim në Maqedoninë Veriore

Kërkohen reforma në arsim në Maqedoninë Veriore

Dyshime se institucionet mikrofinanciare po përfitojnë kundërligjshëm

Dyshime se institucionet mikrofinanciare po përfitojnë kundërligjshëm

Arrestohen persona të dyshuar për “Mundësim në prostutucion & ofrim i lokaleve për prostutucion, si dhe marrje me prostutucion”

Arrestohen persona të dyshuar për “Mundësim në prostutucion & ofrim i lokaleve për prostutucion, si dhe marrje me prostutucion”

Times: Serbia në BE vetëm pas njohjes së pavarësisë së Kosovës

Times: Serbia në BE vetëm pas njohjes së pavarësisë së Kosovës

PSD-ja thotë se Kushtetuesja vlerësoi pozitivisht nismën e Dërgutit për një amendament

PSD-ja thotë se Kushtetuesja vlerësoi pozitivisht nismën e Dërgutit për një amendament

Kultivonte kanabis në banesë, pranga shqiptarit në Angli

Kultivonte kanabis në banesë, pranga shqiptarit në Angli

Çfarë do të ndodhte po të ndalej uji nga Ujmani 10 orë

Çfarë do të ndodhte po të ndalej uji nga Ujmani 10 orë

123 raste të keqpërdorimit seksual nën 16 vjeç në dy vitet e fundit

123 raste të keqpërdorimit seksual nën 16 vjeç në dy vitet e fundit

Aksidentohet një grua në Prishtinë

Aksidentohet një grua në Prishtinë

Një muaj paraburgim për mësimdhënësin që abuzoi seksualisht me të miturën nga Drenasi

Një muaj paraburgim për mësimdhënësin që abuzoi seksualisht me të miturën nga Drenasi

Mjekut dhe profesorit i caktohet sot masa e paraburgimit për rastin e Drenasit

Mjekut dhe profesorit i caktohet sot masa e paraburgimit për rastin e Drenasit

123 gjoba për ndotësit e mjedisit gjatë muajit janar, 100 prej tyre në Prishtinë

123 gjoba për ndotësit e mjedisit gjatë muajit janar, 100 prej tyre në Prishtinë

Ismet Kryeziu: Të arrestohet hoxha Bedri Bytyqi, për deklaratat e tij nxitëse!

Ismet Kryeziu: Të arrestohet hoxha Bedri Bytyqi, për deklaratat e tij nxitëse!

Kështu dukej barnatorja e parë në Prishtinë

Kështu dukej barnatorja e parë në Prishtinë