Nisma për Kosovën ka dënuar sulmet terroriste që ndodhën sot në Bruksel. Kjo parti i ka vlerësuar si sulme barbare të drejtuara kundër vlerave njerëzore.
“Nisma për Kosovën sulmin e sotëm terrorist në Bruksel në kryeqytetin e Bashkimit Evropian, vlerëson se është sulm barbar i drejtuar kundër jetës së njerëzve të pafajshëm, kundër vlerave njerëzore dhe evropiane, kundër lirisë, demokracisë dhe projekteve te qytetarisë Evropiane për paqe globale”.
“Në këtë ditë të rëndë për qytetarët e Brukselit e të Evropës, qytetarët e Kosovës ndajnë dhimbje të thellë me qytetarët e Belgjikës”
“Jemi të bindur se asnjë formë e terrorizmit, që po lëndon dhe shkakton viktima të dhimbshme e të pa fajshme kurrë nuk do të arrijë t’i rrënojë vlerat e civilizimit evropian”
“Solidarizohemi dhe Ju shprehim ngushëllime familjeve të viktimave, qytetarëve e shtetit të Belgjikës, që sot mbeten pa më të dashurit e tyre!”
“Nderim e përulje për viktimat e pafajshme!”, thuhet në komunikatën Nismës.
