Nis lufta tregtare midis SHBA-së dhe Kinës

06.07.2018 13:18
Rreshtat+- AShkronjat+- Printo
Nis lufta tregtare midis SHBA-së dhe Kinës

Tarifat e Shteteve të Bashkuara mbi mallrat e Kinës, në vlerë prej 34 miliardë dollarësh, hynë në fuqi, duke sinjalizuar fillimin e një beteje të gjithanshme tregtare midis dy ekonomive më të mëdha në botë.

Taksa 25% në importet kineze hyri në fuqi në mesnatë, sipas kohës në Uashington.

Kina u kundërpërgjigj duke vënë tarifë të ngjashme prej 25% në 545 produkte amerikane, gjithashtu me vlerë prej 34 miliardë dollarësh.

Pekini e akuzoi SHBA-në për, siç tha, fillimin e “luftës më të madhe tregtare në historinë ekonomike”.

“Pasi Shtetet e Bashkuara i aktivizuan tarifat e tyre kundër Kinës, masat e Kinës kundër Shteteve të Bashkuara hyjnë në fuqi menjëherë”, tha Lu Kang, zëdhënës i Ministrisë së Jashtme në Pekin.

Bart Hordijk, analist i tregut në kompaninë Monex Europe, me seli në Londër, tha se me hyrjen në fuqi të tarifave, “është e qartë se konflikti tregtar është real”.

“Kërcënimet nuk kanë mbetur boshe dhe retorika tregtare e presidentit amerikan, Donald Trump, dëshmon të jetë më shumë sesa një hap që çon drejt negociatave”, tha Hordijk për BBC-në.

Tarifat amerikane janë rezultat i përpjekjeve të presidentit Trump për të ruajtur vendet e punës në SHBA dhe për të ndalur, siç thotë ai, “transferimet e padrejta të teknologjisë amerikane dhe pronës intelektuale në Kinë”.

Shtëpia e Bardhë tha se do të shqyrtojë tarifa edhe për prodhime të tjera të Kinës, në vlerë rreth 16 miliardë dollarë, të cilat, sipas presidentit Trump, mund të hyjnë në fuqi në ditët e ardhshme.

Trump tashmë ka vënë tarifa mbi importet e çelikut dhe aluminit nga Bashkimi Evropian, Meksika dhe Kanadaja.

Ai ka thënë se me këtë veprim synohet të mbrohen interesat e sigurisë kombëtare në SHBA, por, sipas evropianëve dhe të tjerëve, ai është thjesht proteksionizëm dhe thyen rregullat globalë të tregtisë.

Bashkimi Evropian – blloku më i madh tregtar në botë – e ka çuar rastin në Organizatën Botërore të Tregtisë dhe ka ndërmarrë tarifa hakmarrëse ndaj SHBA-së nga 1 korriku.

Kancelarja gjermane, Angela Merkel, ka thënë se Bashkimi Evropian do të bëjë çdo përpjekje për të shmangur luftën tregtare me Shtetet e Bashkuara, porse edhe Uashingtoni duhet t’iu bashkohet këtyre përpjekjeve.

Sipas saj, funksionimi i mirë i ekonomisë botërore varet nga vendet që punojnë së bashku si partnerë.

Vënia e tarifave amerikane mbi mallrat e Kinës ka pasur pak ndikim në tregjet e aksioneve në Azi – së paku deri më tash. Indeksi Shangai e përfundoi javën me rënie për 3.5 përqind, por kjo është java e shtatë me radhë që mbyllet me humbje.

Tokio u mbyll 1.1% më lart, ndërsa Hong Kong ra 0.5% në tregtimin e vonshëm.

Përgatiti: Valona Tela

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Tërmkolli: Sot dështoi edhe pozita edhe opozita

Tërmkolli: Sot dështoi edhe pozita edhe opozita

Shpend Ahmeti: Bashkëqeverisjes me Vetëvendosjen në Prishtinë po i vjen fundi

Shpend Ahmeti: Bashkëqeverisjes me Vetëvendosjen në Prishtinë po i vjen fundi

A duhet të bashkohen Kosova dhe Shqipëria? Flet zëvendësministri i Shqipërisë

A duhet të bashkohen Kosova dhe Shqipëria? Flet zëvendësministri i Shqipërisë

Ndërtimtaria, profesioni më vdekjeprurës në Kosovë

Ndërtimtaria, profesioni më vdekjeprurës në Kosovë

Limaj dyshon se opozita do që ta ndalë Thaçin

Limaj dyshon se opozita do që ta ndalë Thaçin

Trump i ofron gazetares postin e ambasadores amerikane në OKB

Trump i ofron gazetares postin e ambasadores amerikane në OKB

Hoti tregon arsyen përse nuk e votuan rezolutën deputetët e LDK-së

Hoti tregon arsyen përse nuk e votuan rezolutën deputetët e LDK-së

Aksidenti me dy të vdekur, kamioni i “Bechtel-Enka”-s po qarkullonte pa leje

Aksidenti me dy të vdekur, kamioni i “Bechtel-Enka”-s po qarkullonte pa leje

Aviokompania Germania stacionon një Airbus A319 në Aeroportin e Prishtinës

Aviokompania Germania stacionon një Airbus A319 në Aeroportin e Prishtinës

Atomi vihet në kërkim të fëmijëve me inteligjencë të jashtëzakonshme

Atomi vihet në kërkim të fëmijëve me inteligjencë të jashtëzakonshme

Këshilli i Sigurimit të OKB-së diskuton për Kosovën me 14 nëntor

Këshilli i Sigurimit të OKB-së diskuton për Kosovën me 14 nëntor

Haradinaj: Qeveria po  implementon reforma të duhura ekonomike në zhvillimin e bizneseve

Haradinaj: Qeveria po implementon reforma të duhura ekonomike në zhvillimin e bizneseve

Bërnabiq: S’ka kompromis pa u diskutuar territoret

Bërnabiq: S’ka kompromis pa u diskutuar territoret

Tre persona sulmojnë fizikisht zyrtarët policorë në Podujevë

Tre persona sulmojnë fizikisht zyrtarët policorë në Podujevë

Gjykata në Pejë i cakton masën e paraburgimit të dyshuarit për vrasje në tentativë

Gjykata në Pejë i cakton masën e paraburgimit të dyshuarit për vrasje në tentativë

Thaçi: Deputetët të hartojnë platformë të përbashkët, përballë Serbisë duhet të jemi unik

Thaçi: Deputetët të hartojnë platformë të përbashkët, përballë Serbisë duhet të jemi unik