Nesër varroset aktori Art Kurti, mbledhje komemorative në Gjakovë
21:53, 24 Prill 2018
Komuna e Gjakovës ka njoftuar se nesër do të organizohet mbledhje komemorative në Pallatin e Kulturës “Asim Vokshi” në këtë komunë, pas ndarjes nga jeta të aktorit Art Kurti.
Kjo mbledhje komemorative do të nis nga ora 15:00.
Pas mbledhjes komemorative, trupi i pajetë do të qëndrojë në hollin e Pallatit të Kulturës “Asim Vokshi” për homazhe deri në orën 17:30.
Varrimi i të ndjerit do të bëhet në orën 18:00 në tyrben e “Sheh Fetahu-t”, në magjistralen Gjakovë-Prizren.
I ndjeri u gjet i vdekur në mëngjesin e së martës, në një makinë në rrugën Goden-Gjakovë.
Sipas policisë, dyshimet e para çojnë në vetëvrasje.
