Kryetari i LDK-së, Isa Mustafa sot ka pritur në takim ambasadorin e Britanisë së Madhe në Kosovë, Ruairí O’Connell.
Në këtë takim ata diskutuan për zhvillimet aktuale në Kosovë, njofton Infosot.
“Gjendja aktuale politike në vend është mjaft e ndërlikuar dhe kërkon angazhim serioz dhe kreativ të të gjithë akterëve politikë për të garantuar mbrojtjen e interesave shtetërorë të Kosovës”, tha Mustafa.
Mustafa ka falënderuar O’Connell për mbështetjen e Britanisë për Kosovën. O’Connell po ashtu falënderoi kryetarin Mustafa për pritjen dhe bashkëpunimin e deritanishëm.