Jose Mourinho kryqëzon Anthony Martial. Trajneri i Manchester United, deklaroi gjatë një konference për shtyp se sulmuesi francez nuk ka arritur të shfrytëzojë mundësinë që iu dha për të fituar një vend titullari në formacionin e “Djajve të Kuq”. Marrdhënia mes tyre nuk është nga më të mirat dhe një gjë të tillë, e vertetojnë jo vetëm fjalët, por dhe lënia në tribunë e 21-vjecarit për takimin kundër Stoke City. Madje, për këtë të fundit Jose Mourinho nuk nguroi të jepte shpjegimin e tij në lidhje me vendim e marr.
“Martial nuk arriti të shfrytëzonte mundisnë që i dhashë. Është treguar disi indiferent. Ju e dini që për pjesën e sulmit unë kam dhe shumë futbollistë të tjerë sic janë, Mata, Lingard, Rashford dhe Mkhitaryan. Nisur nga kjo unë nuk mund të mendoj vetëm për njërin prej tyre duke lënë të tjerët jashtë. Shumë prej atyre emrave që përmënda janë impenjuar më shumë se Martial.”
Deklarata të forta nga ana e “Specila One”, i cili duket se në një formë apo tjetrën është duke ia bërë të qartë futbollistit, se zgjidhja më e mirë për të është të mendojë për një skuadër tjetër, pasi tek Djajtë hapsira sa vjen e ngushtohet. Anthony Marital u transferua te United në verën e vitit 2015, për shumën e 80 milionë Eurove. Në vitin e tij të parë në Old Trafold, në sezonin 2015-2016 sulmuesi 21-vjecarë arriti të realizonte 21 gola në 63 ndeshje, në të gjitha kompeticonet. Ndërsa për sezonin 2016-2017, francezi ka arritur të realizojë gjashtë rrjeta në 21 takime, 2 prej tyre në kampionat.
