“Brenda pranverës në të gjithë Shqipërinë do të aplikohet receta elektronike”.
Kreu i qeverisë shqiptare pohoi se me këtë recetë korrupsioni në sistem bëhet i pamundur.
“Receta elektronike e bën të pamundur korrupsionin. Nuk do shkruhen më me dorë para që merren nga arka e shtetit dhe që ndahen mes farmacistëve dhe zyrtarëve të korruptuar. Kështu bëhet kalimi nga projekti në letër në realitetin e përditshëm”, tha Rama.
Sa i takon korrupsionit në sistem, Rama tha se ka ende jo pak raste mes mjekëve që njollosin të gjithë personelin shëndetësor me qasjen e tyre.
“Nuk janë njerëzit që korruptojnë sistemin, por është sistemi që korrupton njerëzit, ja pse duhen bërë reformat”, përfundoi Rama.
