Ish-sulmuesi i Interit, Diego Milito, ka folur për mikrofonat e Sky Sport para ndeshjes së madhe mes zikaltërve dhe Milanit.
Ai ka thënë se nuk ka pritur një fillim kaq të mirë nga ish-skuadra e tij dhe kjo është meritë më së shumti e trajnerit.
“Interi më ka befasuar. Jam shumë i lumtur për të qenë këtu. Zikaltrit e kanë filluar mirë kampionatin dhe shpresojmë që të vazhdojmë kështu”.
A ka diçka Spalletti që të kujton Mourinhon?
“Nuk më pëlqen që të bëjë krahasime. Secili trajner ka metodat e tij, Spalletti është trajner i madh dhe shpresoj që ai t’i tregojë vlerat edhe këtu”.
Rikthimi në Giuseppe Meazza?
“Është gjithmonë një emocion i madh. Këtu kam përjetuar momente të paharrueshme, emocione unike. Të jesh në Meazza është e veçantë për mua”, ka thënë Milito. /Telegrafi/
Inter: RT Dugout: Diego Milito – Inter’s derby hero! 👑🇦🇷#FCIM #DerbyMilano pic.twitter.com/Z0J29ju4cW
— Inter Club Pavia (@interclubpavia) October 15, 2017
