Lëvizja Vetëvendosje ka njoftuar se ka organizuar “takim virtual” me bashkëbisedues nga mërgata “për të diskutuar e festuar jo vetëm 21 vjetorin e çlirimit të vendit, por edhe 15 vjetorin” e këtij subjekti politik.
Kurti i informoi ata për situatën politike në vend, për 100 ditshin e qeverisë, për peticionin ”Duam Zgjedhje!” si dhe përgatitjet për zgjedhjet lokale, ka bërë të ditur VV, nëpërmjet një postimi në Facebook.
“Me një interesim të jashtëzakonshëm, mes qindra kërkesash për pjesëmarrje në këtë takim virtual, këtë herë nuk arritëm që t’i përfshijmë të gjithë bashkatdhetarët në këtë bisedë për çka edhe ju kërkojmë ndjesë, ndërkaq ju njoftojmë që së shpejti Lëvizja do organizojë takime të ngjashme përsëri për të cilat do t’ju tregojmë me kohë”.
