“Kur flasim për paqen, flasim për Nënë Terezën e Adem Demaçin”

21.10.2016 15:27
Rreshtat+- AShkronjat+- Printo
“Kur flasim për paqen, flasim për Nënë Terezën e Adem Demaçin”

‘Paqja e drejtë, Paqe e qëndrueshme’ është tema që sot mblodhi Prishtinë mysafirë dhe përfaqësues nga Federata Për Paqe Universale, në një konferencë njëditore.

Me këtë rast, të pranishëm ishin edhe ambasadorët e paqes nga Prishtina e Tirana, ndër të cilët ishin edhe Alfred Mojsiu, ish president i Republikës së Shqipërisë, Fatmir Sejdiu, ish president i Republikës së Kosovës, Jakup Krasniqi, ish kryetar i Parlamentit të Kosovës, Hydajet Hyseni, i cili është anëtarë i Këshillit Global të Federatës së Paqes Universale, Haxhi Resul Rexhepi, përfaqësues i Bashkësisë Islame të Kosovës, si dhe Dr. No Hi Pak, emisar special i Federatës së Paqes për Evropë.

Në një fjalë rasti Hydajet Hyseni foli për lirinë, duke thënë se ëndrra për lirinë shihet më së miri aty ku mungon liria, në burg. Mirëpo paqja arrihet me vështirësi aty ku ka lënë plagë lufta, andaj edhe mesazhi i Hysenit ishte se ‘luftën e kemi fituar, ta fitojmë së bashku edhe paqen’.

 “Paqja e vërtetë është vetëm atëherë kur sjell zgjidhje të drejta e të qëndrueshme, jo vetëm globale por edhe konkrete. Kuvendimin tonë për paqen sot ta personifikojmë edhe me personalitete tona të shquara që na nderojnë posaçërisht e që e përfaqësojnë shpirtin tonë të paqes, në këtë rast të fokusuar në dy emra veçanërisht të respektuar, Nënë Terezën dhe Adem Demaçin. Nënë Tereza është laureate e çmimit Nobel për Paqe, Adem Demaçi ishte kandidat për çmimin Nobel për Paqe”, tha Hyseni.

Ndërsa ish presidenti i Shqipërisë, Alfred Mojsiu, tha se popujt duan paqe të vërtetë dhe jo luftë. Ai tha se krenari e jona është emri dhe puna e Nënës Terezë për shkak të kontributit të saj botëror, njëkohësisht edhe kontributi i vazhdueshëm i Adem Demaçit, dhe populli shqiptarë njihet për jetesën në mënyrë harmonike mes të gjitha feve dhe e tërë kjo bëhet në mënyrë që të ndihmojmë të ardhmen e popullit tonë.

“Dihet se popujt duan paqe të vërtetë, nuk duan luftë, për fat të keq politikanët e vendeve të ndryshme shpesh të nxitur nga interesa personale, karrieriste, qëllimisht nxisin popujt të përplasen me njëri tjetrin por detyra jonë është që t’i mbajmë në fre këta njerëz. Vetë fakti që në këtë konferencë u zgjodhën emrat kaq të nderuar siç është Shenjta Terezë, Nëna Tereza, që ne e njohim, që krenohemi me punën dhe kontributin e saj botëror dhe Adem Demaçi, dy figura shumë të rëndësishme të territoreve tona shqiptare që kanë dhënë një kontribut të vazhdueshëm për paqen. Populli shqiptarë është një faktor i rëndësishëm paqeje dhe stabiliteti në rajonin e trazuar të Ballkanit, por nga ana tjetër ne shqiptarët dhe më konkretisht dy shtetet tona shqiptare Shqipëria dhe Kosova duhet të punojmë shumë…këtë e tregon edhe kjo tryezë ku janë përfaqësuesit e gjitha feve tona që qëndrojnë jetojnë, punojnë dhe bisedojnë në mënyrë shumë harmonike për të ardhmen e popullit të tyre”, tha Mojsiu.

Paqe e qëndrueshme është ajo që lidhet me lirinë, dinjitetin dhe krenarinë njerëzore, tha në fjalën e tij ish presidenti i Kosovës, Fatmir Sejdiu. Ai ndërkohë tha se edhe figura e ish presidentit Ibrahim Rugova meriton të ketë një trajtim të veçantë, dhe atë krahas Nënë Terezës dhe Adem Demaçit.

 “Vetëm titulli paqja e drejtë, paqe e qëndrueshme, ka një përgjigje të plotë, asnjë paqe nuk është e drejtë, dhe nuk mund të jetë e qëndrueshme, asnjë paqe që nuk lidhet me lirinë njerëzore nuk është e qëndrueshme, asnjë paqe që nuk lidhet me respektimin e dinjitetit dhe krenarisë njerëzore nuk është e qëndrueshme. Federata e Paqes Universale duhet të ketë një trajtesë edhe për një personalitet të rëndësishëm në gjithë proceset tona të identifikimi të Kosovës, bashkë si një triangel, është presidenti Rugova”, tha Sejdiu.

Ndërkohë, Haxhi Resul Rexhepi, përfaqësuesi i Bashkësisë Islame të Kosovës, tha se edhe vetë krijuesi i gjithësisë na udhëzon për paqe, dashuri e respekt të ndërsjellë. Ai tha se shqiptarët posedojnë ndër vlerat më pozitive të popujve siç janë toleranca, mirëkuptimi e besimi ndër fetar.

“Populli ynë, por edhe popujt e rajonit për një kohë relativisht të gjatë janë përballur me konflikte e gjakderdhje, apo thënë ndryshe këtyre popujve me pa të drejtë u qe imponuar lufta… krijuesi i gjithësisë na urdhëron për paqe, dashuri e respekt të ndërsjellë, Zoti e ka krijuar njeriun në formën më të mirë të mundshme kurse për mision i ka dhënë të jetoj me dinjitet të veprojë me përgjegjësi e të sjellët sipas normave që ai vetë ja ka mësuar. Populli ynë një ndër vlerat më pozitive që ka kultivuar është toleranca, mirëkuptimi e mirëbesimi ndërfetar”, tha Rexhepi.

Kurse, Dr. No Hi Pak, emisari special i Federatës së Paqes për Evropë, tregoi fillet e kësaj organizate e cila është themeluar në vitin 2005 nga Sun Myung Moon dhe Dr. Hak Ja Han Moon, dhe që tash njihet si një ndër organizatat më serioze dhe etike në botë. Ai tha se Kosova ka qenë tokë e cila ka mbajtur shumë vuajtje, dhe ende duket të jetë tokë e cila mban shqetësim dhe për këtë duhet punuar për të krijuar një paqe të qëndrueshme.

“UPF (Universal Peace Federation) ishte themeluar në vitin 2005 nga iniciativa e Sun Myung Moon dhe Dr. Hak Ja Han Moon që të mbështesë idealet ndërkombëtare mbi paqen, sot njihet si një ndër organizatat joqeveritare më etike të lidhura me Kombet e Bashkuara. E shenjta Tereza e Shqipërisë është gruaja e cila ka përqafuar këtë lloj jete, ajo gjithashtu ka kuptuar se ky është misioni i dashurisë së vërtetë, ku mendja dhe trupi janë të bashkuara në idenë ‘një familje nën perëndinë’. Kosova ku po mbahet kjo konferencë sot, ka qenë dikur toka e huaj e cila ka mbajtur shumë vuajtje dhe sot është ende toka e shqetësimit që kërkon një paqe të qëndrueshme”, tha Pak.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Aktakuzë për vrasjen e rëndë në Bresalc të Gjilanit

Aktakuzë për vrasjen e rëndë në Bresalc të Gjilanit

Kuvendi i Shqipërisë voton shembjen e Teatrit Kombëtar

Kuvendi i Shqipërisë voton shembjen e Teatrit Kombëtar

Apostulli Pal, çfarë mesazhe i dërgoi Thaçi Haradinajt nëpërmjet Lekajt

Apostulli Pal, çfarë mesazhe i dërgoi Thaçi Haradinajt nëpërmjet Lekajt

Ekskluzive: Gjatë incidentit të Gani Thaçit audio-incizimi u ndërpre

Ekskluzive: Gjatë incidentit të Gani Thaçit audio-incizimi u ndërpre

Beogradi u kërkon vendeve kontribuuese të KFOR-it të hapin arkivat për krimet e shqiptarëve

Beogradi u kërkon vendeve kontribuuese të KFOR-it të hapin arkivat për krimet e shqiptarëve

Ana tjetër e medaljes| Kush është Blerim Pushkolli, që hëngri dajak nga vëllai i Presidentit? (Dokument)

Ana tjetër e medaljes| Kush është Blerim Pushkolli, që hëngri dajak nga vëllai i Presidentit? (Dokument)

Ngritja e kapaciteteve për të luftuar kancerin është e domosdoshme

Ngritja e kapaciteteve për të luftuar kancerin është e domosdoshme

Votohet ligji kundër kumarit. Zbulohen mesazhet kërcënuese

Votohet ligji kundër kumarit. Zbulohen mesazhet kërcënuese

Nëse pagat do të ishin 600-800 euro, shumë të rinj s’do të largoheshin nga Kosova

Nëse pagat do të ishin 600-800 euro, shumë të rinj s’do të largoheshin nga Kosova

Veseli: Nga viti i ardhshëm rriten pagat për stafin shëndetësor

Veseli: Nga viti i ardhshëm rriten pagat për stafin shëndetësor

Kombet e Bashkuara e përkrahin anëtarësimin e Kosovës në INTERPOL

Kombet e Bashkuara e përkrahin anëtarësimin e Kosovës në INTERPOL

Haradinaj në Mal të Zi: Akush nuk ka asnjë arsye t’i frikësohet formimit të Ushtrisë së Kosovës

Haradinaj në Mal të Zi: Akush nuk ka asnjë arsye t’i frikësohet formimit të Ushtrisë së Kosovës

24 persona të akuzuar për krime lufte vazhdojnë të jenë në arrati

24 persona të akuzuar për krime lufte vazhdojnë të jenë në arrati

Deklarata e fortë e raportuesit për Kosovën, paralajmëron destabilizim nëse nuk hiqen vizat

Deklarata e fortë e raportuesit për Kosovën, paralajmëron destabilizim nëse nuk hiqen vizat

Haradinaj diskuton me kancelarin austriak për integrimin e Ballkanit në BE

Haradinaj diskuton me kancelarin austriak për integrimin e Ballkanit në BE

“Parku i Biznesit” në Drenas nga sot mbetet pa ujë të pijshëm,

“Parku i Biznesit” në Drenas nga sot mbetet pa ujë të pijshëm,