KQZ në pritje për aplikim të subjekteve politike në zgjedhjet në Veri

14.04.2019 10:01
Rreshtat+- AShkronjat+- Printo
KQZ në pritje për aplikim të subjekteve politike në zgjedhjet në Veri

Pasi presidenti i Kosovës shpalli zgjedhjet e jashtëzakonshme në katër komunat në veri të vendit, Komisioni Qendror i Zgjedhjeve ka filluar menjëherë përgatitjet për mbajtjen e zgjedhjeve. Po bëhen gati një javë prej shpalljes së zgjedhjeve, por ende asnjë subjekt politik nuk ka paraqitur aplikimin për të çertifikuar pjesëmarrjen në këto zgjedhje.
Ditë më parë, presidenti i vendit, Hashim Thaçi shpalli 19 majin datë të mbajtjes së zgjedhjeve të jashtëzakonshme në Mitrovicë të Veriut, Leposaviq, Zveçan dhe Zubin Potok.

Shpallja e zgjedhjeve të jashtëzakonshme erdhi pas dorëheqjes që dhanë, në fund të nëntorit të 2018’ës, kryetarët e katër komunave më veri, si protestë ndaj vendimit të Qeverisë së Kosovës për vendosjen e taksës 100% për mallrat që vijnë nga Serbia dhe Bosnje Hercegovine.

Tani Komisioni Qendror i Zgjedhjeve po bënë përgatitjet sipas planit operacional të miratuar nga ky komision, për mbajtjen e zgjedhjeve në katër komunat me shumicë serbe.

Zëdhënësi i KQZ-së, Valmir Elezi thotë për KosovaPress, se që nga fillimi i afatit të aplikimit më 9 prill, deri tani askush nuk është paraqitur për tu certifikuar për pjesëmarrje në zgjedhje.

“Mund të u konfirmoj se deri në këto momente që flasim nuk ka pasur ndonjë subjekt politik që ka paraqitur aplikimin për tu certifikuar për pjesëmarrje në këto zgjedhje. Sigurisht që ne presim deri në përfundimin e këtij afati, që është data 18 prill në ora 24:00 për të pranuar aplikime nga ana e subjekteve politike”, tha ai.

Ai sqaron se afati i aplikimit ka filluar që nga 9 prilli dhe do të mbyllet më 18 prill.

“Që nga 9 prilli ka filluar afati për aplikim i subjekteve politike për t’u certifikuar për pjesëmarrje në zgjedhje në këto komuna. Ky afat do të përmbyllet me datë 18 prill, ne deri atëherë do të presim aplikimet e subjekteve politike të cilat duan të marrin pjesë në ndonjërën nga këto komuna apo në të gjitha komunat. Zyra e partive politike do t’i shqyrtojë të gjitha aplikimet të cilat do të paraqiten në këtë zyre dhe pastaj do të paraqesë në Komisionin Qendror të Zgjedhjeve rekomandimin për certifikim ose moscertifikim të ndonjë subjekti politik që aplikon”, tha ai.

Ndërkohë që afati për dorëzimin e kërkesës për t’u akredituar si vëzhgues në këto zgjedhje ka filluar më 9 prill e do të përmbyllet më 12 maj, dhe vetëm vëzhguesit e akredituar do të mund të vëzhgojnë këtë proces zgjedhor.

Sipas Elezit, deri tani nuk ka pasur ndonjë problem në organizimin e këtij procesi zgjedhor.

Ai thotë se për KQZ-në vëzhgimi i një procesi zgjedhor është thelbësor, pasi që konsiderojnë se në këtë mënyrë ndikon në rritjen e besueshmërisë së qytetarëve dhe akterëve të tjerë në procesin zgjedhor.

Vendimin e Thaçit për zgjedhje në veri e ka mirëpritur edhe shefi i ekzekutivit, Ramush Haradinaj.

Kryeministri ka ftuar subjektet politike në Kosovë që të jenë pjesë e garës.

Ndërkohë, deri tani është raportuar që subjekti politik serb ‘Lista Serbe’, do të marrë pjesë në zgjedhjet e jashtëzakonshme lokale të 19 majit, në veri të Kosovës.

Kujtojmë se KQZ edhe më parë ka organizuar zgjedhje në këto komuna, të fundit kanë qenë zgjedhjet lokale në tetor të vitit 2017.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kosnett në Mitrovicë: Kosova është shtet i pavarur dhe i tillë do të mbetet

Kosnett në Mitrovicë: Kosova është shtet i pavarur dhe i tillë do të mbetet

Shënohet sot Dita Ndërkombëtare e Drejtësisë Sociale

Shënohet sot Dita Ndërkombëtare e Drejtësisë Sociale

​31 vjet nga greva e minatorëve të “Trepçës”

​31 vjet nga greva e minatorëve të “Trepçës”

Mot me shi dhe borë

Mot me shi dhe borë

Trumpi e emëron Drejtor të Inteligjencës Kombëtare

Trumpi e emëron Drejtor të Inteligjencës Kombëtare

Çeku: Pas shkarkimit të Bordit të Telekomit duhet të vazhdohet me fazën e llogaridhënies

Çeku: Pas shkarkimit të Bordit të Telekomit duhet të vazhdohet me fazën e llogaridhënies

Qalaj: Ka dyshime se Valdete Bllaca, pasi kishte vrarë familjen, kishte dalë në një lokal në Gjilan (VIDEO)

Qalaj: Ka dyshime se Valdete Bllaca, pasi kishte vrarë familjen, kishte dalë në një lokal në Gjilan (VIDEO)

Shkarkimi i bordit të Telekomit, Hoti paralajmëron: Ky ishte vetëm fillimi

Shkarkimi i bordit të Telekomit, Hoti paralajmëron: Ky ishte vetëm fillimi

AGK: Kryeministri Rama nis fushatë degraduese edhe ndaj medieve në Kosovë

AGK: Kryeministri Rama nis fushatë degraduese edhe ndaj medieve në Kosovë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Veliu: Anëtarësimi në INTERPOL dhe EUROPOL mbetet prioritet i imi si ministër

Veliu: Anëtarësimi në INTERPOL dhe EUROPOL mbetet prioritet i imi si ministër

Haradinaj: Albin Kurti ka shfuqizuar vendimet e Isa Mustafës

Haradinaj: Albin Kurti ka shfuqizuar vendimet e Isa Mustafës

Të enjten, shi dhe borë – çfarë moti do të kemi në Kosovë gjatë ditëve pasuese?

Të enjten, shi dhe borë – çfarë moti do të kemi në Kosovë gjatë ditëve pasuese?

Pas reagimit të “Maraklive t’kerreve” BQK premton lehtësira për sigurimin e veturave

Pas reagimit të “Maraklive t’kerreve” BQK premton lehtësira për sigurimin e veturave

PSD: Kurti do ta menaxhojë pak më mirë korrupsionin, por nuk do ta transformojë sistemin

PSD: Kurti do ta menaxhojë pak më mirë korrupsionin, por nuk do ta transformojë sistemin

Bulizmi i pranishëm në të gjitha nivelet e sistemit arsimor në Kosovë

Bulizmi i pranishëm në të gjitha nivelet e sistemit arsimor në Kosovë